தூத்துக்குடி -மணியாச்சி ரயில்கள் ரத்து: தெற்கு ரயில்வே அறிவிப்பு!!
தூத்துக்குடி - மணியாச்சி ரயில்கள் நாளை 6ஆம் தேதி முதல் 11ஆம் தேதி வரை ரத்து செய்யப்படும் என்று தகவல் வெளியாகி உள்ளது.
தூத்துக்குடி - மணியாச்சி ரயில்கள் நாளை 6ஆம் தேதி முதல் 11ஆம் தேதி வரை ரத்து செய்யப்படும் என்று தகவல் வெளியாகி உள்ளது.
தூத்துக்குடி - மணியாச்சி இடையே இரட்டை ரயில்பாதை பணிகள் 95 சதவீதம் முடிவுற்று நிறைவு பெறும் நிலையில் உள்ளது. இப்பணிகளை ரயில்வே பாதுகாப்பு ஆணையர் ஆய்வு செய்கிறார். நாளை (6ஆம் தேதி) முதல் 10ஆம் தேதி வரை இரவு 9 மணி முதல் காலை 5 மணி வரையில் ஆய்வு பணிகள் நடைபெற உள்ளது. இதன் காரணமாக தூத்துக்குடி - மணியாச்சி ரயில்கள் ரத்து செய்யப்படுகிறது.
மேலும், வருகிற 11ஆம் தேதி காலை 9 மணி முதல் மாலை 5 மணி வரை மீளவிட்டான்- தூத்துக்குடி ரயில் பாதையில் ஆய்வு பணிகள் நடைபெற உள்ளது. இதன் காரணமாக மைசூரில் இருந்து வரும் ரயில் வாஞ்சி மணியாச்சியில் நிறுத்தப்படும். மேலும், தூத்துக்குடியில் மாலை 5.15 புறப்பட வேண்டிய ரயில், வாஞ்சி மணியாச்சியில் இருந்து புறப்படும் என்று தெற்கு ரயில்வே தெரிவித்துள்ளது.
