தூத்துக்குடியில் பேருந்தில் நூதன முறையில் பெண்ணிடம் ரூ.86,500 பணம் திருட்டு!
தூத்துக்குடியில் பேருந்தில் நூதன முறையில் பெண்ணிடம் ரூ.86,500 பணம் திருட்டு!
ஓட்டப்பிடாரம் அருகே உள்ள வெள்ளாரம் கிராமத்தைச் சேர்ந்தவர் முருகன். இவரது மனைவி சித்ரா (வயது 55). இவர், தூத்துக்குடியில் உள்ள மகன் வீட்டிற்கு சென்று விட்டு நேற்று முன்தினம் மாலை 4 மணி அளவில் ஊருக்கு செல்வதற்காக பழைய பேருந்து நிலையத்துக்கு வந்தார். பின்னர் அங்கிருந்து நகர் புற பேருந்தில் ஏறினார். அப்போது அவர், துணிப்பையில் சுற்றி வைத்திருந்த ரூ.86, 500 ரொக்கப்பணத்தை யாரோ மர்ம நபர் நைசாக திருடி சென்று விட்டாராம்.
சிறிது தூரம் பஸ் சென்றதும், பையில் வைத்து இருந்த பணம் திருட்டு போய் இருப்பதை பார்த்து சித்ரா அதிர்ச்சி அடைந்தார். இது குறித்து மத்தியபாகம் போலிசில் புகார் அளித்தார். அதன்பேரில் இன்ஸ்பெக்டர் அய்யப்பன் வழக்கு பதிவு செய்து விசாரணை நடத்தி வருகிறார்.
