முத்தையாபுரம் அருகே இரு சக்கர வாகன விபத்தில் ஜூனியர் வக்கில் பலி!!
தூத்துக்குடி முத்தையாபுரம் அருகே இருசக்கர வாகனம் மீது லோடு ஆட்டோ மோதி விபத்துக்குள்ளானதில் ஜூனியர் வக்கில் பரிதாபமாக உயிரிழந்தார்...
தூத்துக்குடி முத்தையாபுரம் அருகே இருசக்கர வாகனம் மீது லோடு ஆட்டோ மோதி விபத்துக்குள்ளானதில் ஜூனியர் வக்கில் பரிதாபமாக உயிரிழந்தார்.
தூத்துக்குடி முத்தையாபுரம் அருகே உள்ள பாரதிநகர் பகுதியைச் சேர்ந்த ஐயப்பன் என்பவரது மகன் பார்வதிநாதன் (வயது 25). இவர் திருநெல்வேலி அரசு சட்டக் கல்லூரியில் சட்டப் படிப்பை முடித்து தூத்துக்குடியை சேர்ந்த வழக்கறிஞர் அலுவலகத்தில் ஜூனியர் வக்கிலாக பணிபுரிந்து வருகிறார். இந்நிலையில் ஜனவரி 15ஆம் தேதி பொங்கல் தினத்தன்று தனது உறவினர் வீட்டிற்கு சென்று திரும்பி வரும் வழியில் முத்தையாபுரம் அத்திமரப்பட்டி சாலையில் வந்து கொண்டிருந்தபோது முத்தையாபுரம் ராஜூவ் நகர் பகுதி சேர்ந்த மிக்கேல்ராஜ் என்பவர் ஓட்டி வந்த லோடு ஆட்டோ மோதி விபத்துக்குள்ளானது. இதில் பலத்த காயம் அடைந்த பார்வதி நாதன் சம்பவ இடத்திலே பரிதாபமாக உயிரிழந்தார். இது தொடர்பாக தகவல் அறிந்து முத்தையாபுரம் போலீசார் சம்பவ இடத்திற்கு விரைந்து சென்று உடலை கைப்பற்றி பிரேத பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தனர்.
இது தொடர்பாக முத்தையாபுரம் காவல் நிலையத்தில் பார்வநாதனின் தகப்பனார் ஐயப்பன் அளித்த புகாரின் அடிப்படையில் முத்தையாபுரம் போலீசார் வழக்கு பதிவு செய்து விசாரணை நடத்தி வருகின்றனர். பொங்கல் பண்டிகை நாளில் வாலிபர் இறந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
