புயல் எதிரொலி : தூத்துக்குடியிலிருந்து சென்னை செல்லும் பியர்ல் சிட்டி அதிவிரைவு ரயில் இன்று ரத்து..!
மிக்ஜாம் புயலால் சென்னை மற்றும் புறநகர் பகுதிகளில் கனமழை பெய்துவருகிறது. இந்த நிலையில், கனமழையால் சென்னை பேசின் பிரிட்ஜ், வியாசர்பாடி இடையே உள்ள பாலத்தில் அபாய கட்டத்தை தாண்டி தண்ணீர் செல்வதால், சென்ட்ரலில் இருந்து புறப்படும் பல்வேறு ரயில்கள் ரத்து செய்யப்பட்டுள்ளன.
அதன்படி தூத்துக்குடியில் இருந்து சென்னை செல்லும் பியர்ல் சிட்டி எக்ஸ்பிரஸ் (வ. எண் - 12694) டிசம்பர் 4 ஆம் தேதி ரத்து செய்யப்படுகிறது என ரெயில்வே துறை சார்பில் தெரிவிக்கப்பட்டுள்ளது.
