நாசரேத் மர்காஷிஸ் மேல்நிலைப்பள்ளியில் முதன்முறையாக அரசு பொதுத்தேர்வு எழுதும் பத்தாம் வகுப்பு மாணவர்களுக்கு தைரியமூட்டுதல் மற்றும் வழிகாட்டுதல் நிகழ்ச்சி

நாசரேத் மர்காஷிஸ் மேல்நிலைப்பள்ளியில் முதன்முறையாக அரசு பொதுத்தேர்வு எழுதும் பத்தாம் வகுப்பு மாணவர்களுக்கு தைரியமூட்டுதல் மற்றும் வழிகாட்டுதல் நிகழ்ச்சி

 நாசரேத் மர்காஷிஸ் மேல்நிலைப்பள்ளியில் மாணவர்களுக்கு பல்வேறு சிறப்பு நிகழ்ச்சிகள் தொடர்ச்சியாக நடத்தப்படுகின்றன. அதன் ஒரு பகுதியாக, முதன்முறையாக பத்தாம் வகுப்பு அரசு பொதுத்தேர்வு எழுதவிருக்கும்  200 மாணவர்களுக்கு வழிகாட்டுதல் மற்றும் தைரியமூட்டுதல் நிகழ்ச்சி நடத்தப்பட்டது. ஆசிரியர் வின்ஸ்டன் ஜோஸ்வா ஆரம்ப ஜெபம் செய்தார்.  தலைமை ஆசிரியர் கென்னடி வேதராஜ் அனைவரையும் வரவேற்றார். கல்வியின் முக்கியத்துவம் குறித்து தொழிற்கல்வி ஆசிரியர் ஜெய்சன் பாபு எடுத்துரைத்தார். 11 மற்றும் 12-ம் வகுப்புகளின் சிறப்புகள், அதன் தனித்தன்மை, பயன்கள் மற்றும் முக்கியத்துவம் குறித்து கணினி ஆசிரியர் செல்வின் பொன்தாஸ் விரிவாக விளக்கினார்.

மர்காஷிஸ் மேல்நிலைப் பள்ளியின் சிறப்பம்சங்கள், சிறந்த கல்விமுறை, அனைத்து வகையான விளையாட்டு பயிற்சிகள், நன்னெறி வாழ்க்கைக்கல்வி போதனைகள், போட்டித் தேர்வுகளுக்கான பயிற்சிகள், உயர்கல்விக்கான வழிகாட்டுதல் ஆகியவை குறித்து இயற்பியல் ஆசிரியர் ஜெர்சோம் ஜெபராஜ் எடுத்துக் கூறினார். தேர்வு எழுதுவதற்கான வழிமுறைகள் குறித்து உதவி தலைமையாசிரியர் ஜெயசீலன் விளக்கி கூறினார். அரசு பொதுத்தேர்வு மாதிரி விடைத்தாள்களை கொண்டு மாணவர்களுக்கு பயிற்சி வழங்கப்பட்டது. கலந்து கொண்ட மாணவர்கள் அனைவருக்கும் அரசு தேர்வில் பயன்படுத்தக்கூடிய எழுது பொருட்கள் பரிசாக வழங்கப்பட்டன. உதவி தலைமை ஆசிரியர் சார்லஸ் திரவியம் நன்றி கூறினார்.தமிழ் ஆசிரியர் அம்புரோஸ் சுகிர்தராஜ் இறுதி ஜெபம் செய்தார்.

நிகழ்ச்சியில், பத்தாம் வகுப்பு மாணவர்களுக்கு  கற்பிக்கும் அனைத்து  ஆசிரிய,ஆசிரியைகள் கலந்து கொண்டனர். நிகழ்ச்சிக்கான ஏற்பாடுகளை தாளாளர் சுதாகர் மற்றும் அலுவலகப் பணியாளர்கள் செய்திருந்தனர்.