தூத்துக்குடி மாவட்ட சப் ஜூனியர் கபடி அணி வீரர்களின் தேர்வில் நாசரேத் மர்காஷிஸ் மேல்நிலைப்பள்ளி கபடி அணி வீரர்கள் பங்கேற்பு
தூத்துக்குடி மாவட்ட அமெச்சூர் கபடி கழகத்தின் சார்பில் தூத்துக்குடி மாவட்ட சப் ஜூனியர் அணிக்கு கபடி வீரர்கள் தேர்வு செய்யும் பணி திருச்செந்தூரில் நடைபெற்றது.
16 வயதுக்குட்பட்ட 55 கிலோ எடை பிரிவில் வீரர்கள் தேர்வு நடைபெற்றது. நாசரேத் மர்காஷிஸ் மேல்நிலைப் பள்ளியின் கபடி அணி வீரர்கள் கலந்து கொண்டு திறமையாக விளையாடினர். தூத்துக்குடி மாவட்ட அமெச்சூர் கபடி கழகத்தின் தலைவரும், தமிழக அரசின் மீன்வளம், மீனவர் நலன் மற்றும் கால்நடை பராமரிப்புத் துறை அமைச்சருமான மாண்புமிகு. அனிதா ராதாகிருஷ்ணன் அவர்களும், அர்ஜுனா விருது பெற்ற அகில இந்திய கபடி வீரர் மனத்தி கணேசன் அவர்களும் கலந்து கொண்டனர்.
அமைச்சர் அவர்கள் மர்காஷிஸ் மேல்நிலைப் பள்ளியின் கபடி அணி மாணவர்களை பாராட்டி, நாள்தோறும் கபடி விளையாட்டு பயிற்சி மேற்கொள்ள வேண்டும்,அகில இந்திய அளவில் சிறந்த வீரர்களாக உருவாக வேண்டும் என்று கேட்டுக்கொண்டு வீரர்கள் தேர்வில் பங்கு பெற்றதற்கு மாணவர்களுக்கு பாராட்டுகளை தெரிவித்துக் கொண்டார்கள்.
