தூத்துக்குடியில் மே 25ஆம் தேதி தி.மு.க. அவசர செயற்குழு கூட்டம் : அமைச்சர் கீதாஜீவன் அறிக்கை!!
தூத்துக்குடியில் மே 25ஆம் தேதி தி.மு.க. அவசர செயற்குழு கூட்டம் : அமைச்சர் கீதாஜீவன் அறிக்கை!!
தூத்துக்குடியில் வருகிற 25ஆம் தேதி தி.மு.க. அவசர செயற்குழு கூட்டம் நடைபெற உள்ளது.
இது தொடர்பாக திமுக தூத்துக்குடி வடக்கு மாவட்ட செயலாளர் அமைச்சர் கீதாஜீவன் வெளியிட்ட அறிக்கை: தூத்துக்குடி வடக்கு மாவட்ட தி.மு.க. அவசர செயற்குழு கூட்டம் வருகிற 25.05.2023 வியாழக்கிழமை மாலை 5.00 மணிக்கு தூத்துக்குடி கலைஞர் அரங்கத்தில் மாவட்ட அவைத்தலைவர் செல்வராஜ் தலைமையில் நடைபெறுகிறது.
திமுக மாநகர செயலாளர் ஆனந்த சேகரன், மேயர் ஜெகன் பெரியசாமி, விளாத்திகுளம் சட்டமன்ற உறுப்பினர் மார்க்கண்டேயன் ஆகியோர் முன்னிலை வகிக்கின்றனர். சமூக நலன் - மகளிர் உரிமைத்துறை அமைச்சர் (ம) தூத்துக்குடி வடக்கு மாவட்ட தி.மு.க செயலாளர் கீதாஜீவன் சிறப்புரை ஆற்றுகிறார்.
கூட்டத்தில் கலைஞர் நூற்றாண்டு விழா நிகழ்ச்சிகள் நடத்துவது, கழக வளர்ச்சிப் பணிகள் குறித்தும் ஆலோசனை நடத்தப்பட உள்ளது. இதில் மாவட்டக் நிர்வாகிகள், தலைமை செயற்குழு, பொதுக்குழு உறுப்பினர்கள், மாநகர, நகர, ஒன்றிய, பகுதி, பேரூர் கழகச் செயலாளர்கள், சார்பு அணிகளின் அமைப்பாளர்கள் மற்றும் சிறப்பு அழைப்பாளர்கள் அனைவரும் இதனையே அழைப்பாக ஏற்று தவறாது கலந்து கொள்ள அன்புடன் அழைக்கிறேன். இவ்வாறு அறிக்கையில் தெரிவிக்கப்பட்டுள்ளது.
