மூதாட்டி கொலை வழக்கில் ஒருவர் கைது!
கோவில்பட்டி அருகே நகைகளுக்காக மூதாட்டியை கொலை செய்த வழக்கில் ஒருவரை போலீசார் கைது செய்துள்ளனர்.
தூத்துக்குடி மாவட்டம், கோவில்பட்டி அருகே திட்டங்குளம் ஊராட்சிக்குள்பட்ட வடக்கு திட்டங்குளம் பூந்தோட்டக் காலனியைச் சோ்ந்த குருசாமி மனைவி முத்துலட்சுமி (65). கடந்த மாதம் 19ஆம் தேதி உறவினா் வீட்டுத் திருமணத்துக்கு வருவதாகக் கூறிய முத்துலட்சுமி வராததால் அவரது கைப்பேசியை உறவினா்கள் தொடா்பு கொண்டபோது, அது அணைத்து வைக்கப்பட்டிருந்தது.
அவரை பாா்க்கச் சென்றபோது வீடு உள்பக்கமாக பூட்டப்பட்டிருந்தது. இதனால், அவா்களும், அப்பகுதியினரும் கதவை உடைத்து உள்ளே சென்று பாா்த்தபோது, முத்துலட்சுமி கொலையுண்டது தெரியவந்தது. இதுதொடா்பாக கிழக்கு காவல் நிலைய போலீசார் வழக்குப் பதிந்து, குற்றவாளிகளைத் தேடிவந்தனா்.
தூத்துக்குடி மாவட்ட காவல் கண்காணிப்பாளா் எல். பாலாஜி சரவணன் உத்தரவின் பேரில், கோவில்பட்டி காவல் துணைக் கண்காணிப்பாளா் வெங்கடேஷ் மேற்பாா்வையில் ஆய்வாளா்கள் வனசுந்தா் (கிழக்கு), கிங்க்ஸி தேவானந்த் (மேற்கு), தனிப்பிரிவு உதவி ஆய்வாளா் மாதவராஜா ஆகியோா் தலைமையில் 3 தனிப்படைகள் அமைக்கப்பட்டு குற்றவாளிகளைத் தேடும் பணி நடைபெற்றது.
இந்நிலையில், தீப்பெட்டி தயாரிப்பதற்கான மூலப் பொருள்களில் ஒன்றான குச்சி தயாரிப்பு நிறுவனத்தில் வேலை செய்துவந்த, அதே ஊரைச் சோ்ந்த ரா. சண்முகசுந்தரம் (54) என்பவரை போலீசார் பிடித்தனா். விசாரணையில், அவா் முத்துலட்சுமி தனியாக இருப்பதை அறிந்து, நகைகளைக் கொள்ளையடிப்பதற்காகக் கொன்றது தெரியவந்தது. இதையடுத்து சண்முகசுந்தரத்தை போலீஸாா் கைது செய்தனா்.
