சிலம்பம் போட்டியில் வெற்றி பெற்ற நாசரேத் மர்காஷிஸ் மேல்நிலைப்பள்ளி மாணவர்களுக்கு பாராட்டு..!
சிலம்பம் போட்டியில் வெற்றி பெற்ற நாசரேத் மர்காஷிஸ் மேல்நிலைப்பள்ளி மாணவர்களுக்கு பாராட்டு..!
பள்ளிக்கல்வித்துறை சார்பில் நடத்தப்பட்ட மாவட்ட அளவிலான சிலம்பப் போட்டியில் வெற்றி பெற்ற நாசரேத் மர்காஷிஸ் மேல்நிலைப்பள்ளி மாணவர்களுக்கு பாராட்டு விழா நடைபெற்றது.
தூத்துக்குடி மாவட்ட அளவிலான சிலம்ப போட்டிகள் காரப்பேட்டை பெண்கள் மேல்நிலைப் பள்ளியில் நடத்தப்பட்டன. பல்வேறு பிரிவில் போட்டிகள் நடத்தப்பட்டன. 14 வயதுக்குப்பட்ட மாணவர்களுக்கான போட்டியில் ஒன்பதாம் வகுப்பு மாணவர் தருண்சன் முதலிடம் பெற்றார். ஏழாம் வகுப்பு மாணவன் சித்தார்த் மூன்றாம் இடம் பெற்றார். 17 வயது வயதுக்குப்பட்ட பிரிவில் பத்தாம் வகுப்பு மாணவர் கார்த்திக் இரண்டாம் இடம் பெற்றார். வெற்றி பெற்ற மாணவர்களுக்கு தூத்துக்குடி மாவட்ட முதன்மை கல்வி அலுவலர் கையொப்பமிட்ட சான்றிதழ்களும், பதக்கங்களும் வழங்கப்பட்டன.
வெற்றி பெற்ற மாணவர்களை பள்ளியின் தலைமையாசிரியர் கென்னடி வேதராஜ் பாராட்டினார். நிகழ்ச்சியில், உடற்கல்வி இயக்குனர் பெலின் பாஸ்கர், இயற்பியல் ஆசிரியர் ஜெர்சோம் ஜெபராஜ், உடற்கல்வி ஆசிரியர் தனபால் ஆகியோர் கலந்து கொண்டனர். வெற்றி பெற்ற மாணவர்களையும், பயிற்சி அளித்த ஆசிரியர்களையும் பள்ளியின் தாளாளர் சுதாகர், ஆசிரிய, ஆசிரியைகள் மற்றும் அலுவலக பணியாளர்கள் பாராட்டினர்.
