கோ-ஆப்டெக்ஸில் 2 வாங்கினால் 1 இலவசம் சிறப்பு விற்பனை : மண்டல மேலாளர் தகவல்!
கோ-ஆப்டெக்ஸில் 2 வாங்கினால் 1 இலவசம் சிறப்பு விற்பனை : மண்டல மேலாளர் தகவல்!
தூத்துக்குடி கோ-ஆப்டெக்ஸில் 2 வாங்கினால் 1 இலவசம் என்ற சிறப்புத் தள்ளுபடி விற்பனை ஆகஸ்ட் 20ம் தேதி வரை நடைபெறும் என அறிவிக்கப்பட்டுள்ளது.
இதுகுறித்து திருநெல்வேலி மண்டல மேலாளர் இராஜேஷ்குமார் வெளியிட்ட செய்திக்குறிப்பில், "தமிழகத்தில் பல்வேறு பகுதிகளில் நெசவாளர்களின் கை வண்ணத்தில் உருவான பருத்தி சேலைகள், போர்வைகள், படுக்கை விரிப்புகள், தலையணை உறைகள், வேட்டிகள், லுங்கிகள், பருத்தி சட்டைகள், திரைச்சீலைகள் போன்ற இரகங்கள் இவ்விற்பனைக்காக வைக்கப் பட்டுள்ளது.
இத்திட்டத்தின் மூலம் பட்டுச்சேலை முதல் கைக்குட்டை இரகங்கள் வரை அனைத்து இரகங்களையும் வாடிக்கையாளர்கள் வாங்கி பயன் பெறலாம். வாடிக்கையாளர்கள் இரண்டு எண்ணிக்கையிலான இரகங்கள் வாங்கும் போது ஒரு இரகத்தின் விலைக்கு (குறைவான விலை) ஈடான மதிப்புள்ள துணி இரகங்களை இலவசமாக பெற்றுக்கொள்ளலாம்.
மேலும் கோ-ஆப்டெக்ஸ் நிறுவனத்தில் தற்பொழுது அறிமுகப்படுத்தப்பட்ட கோ-ஆப்டெக்ஸ் மாதாந்திர சேமிப்புத்திட்டத்தில் வாடிக்கையாளர்கள் சேர்ந்து 11 மாத சந்தா தொகையினை செலுத்தி 12 வது தவணையை இலவசமாக பெற்று 12 மாதம் முடிந்த பிறகு 30% தள்ளுபடியுடன் துணி இரகங்களை வாங்கி பயன்பெற கேட்டுக் கொண்டுள்ளார்.
