மக்களுக்கு விழிப்புணர்வு ஏற்படுத்த வேண்டிய அறிவிப்புப் பலகை… ஊழியர்களின் மொபைல் சார்ஜருக்காகவா?.. முத்தையாபுரம் அஞ்சலகத்தில் அதிருப்தியை ஏற்படுத்தும் செயல்!

Oct 9, 2026 - 09:46
0
மக்களுக்கு விழிப்புணர்வு ஏற்படுத்த வேண்டிய அறிவிப்புப் பலகை… ஊழியர்களின் மொபைல் சார்ஜருக்காகவா?.. முத்தையாபுரம் அஞ்சலகத்தில் அதிருப்தியை ஏற்படுத்தும் செயல்!

தூத்துக்குடி முத்தையாபுரம் அஞ்சலகத்தில் பொதுமக்கள் தெரிந்துகொள்ளும் வகையில் வைக்கப்பட்டுள்ள சேமிப்புத் திட்டங்கள் குறித்த அறிவிப்புப் பலகையின் மின் இணைப்பைத் துண்டித்துவிட்டு, அங்கு அஞ்சலக ஊழியர்கள் தங்களது மொபைல் போன்களை சார்ஜ் செய்வதற்காக சார்ஜர்களை இணைத்துள்ளதாகக் குற்றச்சாட்டு எழுந்துள்ளது.

சேமிப்புக் கணக்கு, தொடர் வைப்பு கணக்கு, பொது வருங்கால வைப்பு நிதி, மூத்த குடிமக்கள் சேமிப்புத் திட்டம் உள்ளிட்ட பல்வேறு சேமிப்புத் திட்டங்கள் குறித்த விவரங்களைப் பொதுமக்கள் அறிந்துகொள்ளும் வகையில் வைக்கப்பட்டுள்ள இந்த அறிவிப்புப் பலகை, மின் இணைப்பு இல்லாமல் உள்ளது.

பொதுமக்களுக்கு விழிப்புணர்வு ஏற்படுத்த வேண்டிய அறிவிப்புப் பலகையின் மின் இணைப்பைத் துண்டித்து, தனிப்பட்ட மொபைல் சார்ஜிங்கிற்குப் பயன்படுத்துவது எந்த அளவுக்கு நியாயம் என்ற கேள்வி எழுந்துள்ளது.

அதேபோல் அஞ்சலக கணக்குகளில் உள்ள முதியவர் உதவி தொகை, மகளிர் உரிமை தொகை போன்றவற்றிற்கு பணம் எடுக்க வந்த முதியவர்கள் காலை 8.30 மணி முதல் காத்து கிடந்து 10 மணியளவில் தான் பணம் வழங்கப்படுவதாகவும், ஒவ்வொருமுறையும் முத்தையாபுரம் அஞ்சலகத்தில் கலையில் ஒரு மணி நேரம் காத்து கிடந்தான் பணம் எடுக்க முடிகிறது என மூதாட்டிகள் குற்றம் சாட்டியுள்ளனர்.

பொதுமக்கள் பயன்பெற வேண்டிய வசதிகள் முறையாகப் பராமரிக்கப்படுகிறதா? சம்பந்தப்பட்ட அஞ்சலக நிர்வாகம் இதுகுறித்து உரிய கவனம் செலுத்துமா? என்பதே பொதுமக்களின் எதிர்பார்ப்பாக உள்ளது.