மே 12ம் தேதி மதுக்கடைகளை மூட ஆட்சியர் உத்தரவு!!
தூத்துக்குடி மாவட்டத்தில் வீரசக்கதேவி ஆலயத் திருவிழாவை முன்னிட்டு வருகிற மே 12ஆம் தேதி 64 மதுக்கடைகள், பார்களை மூட ஆட்சியர் உத்தரவிட்டுள்ளார்.
தூத்துக்குடி மாவட்டத்தில் வீரசக்கதேவி ஆலயத் திருவிழாவை முன்னிட்டு வருகிற மே 12ஆம் தேதி 64 மதுக்கடைகள், பார்களை மூட ஆட்சியர் உத்தரவிட்டுள்ளார்.
இது தொடர்பாக மாவட்ட ஆட்சியர் கி.செந்தில்ராஜ் வெளியிட்ட செய்திக்குறிப்பு: தூத்துக்குடி மாவட்டம் ஓட்டப்பிடாரம் வட்டம் பாஞ்சாலங்குறிச்சி கிராமம் வீரபாண்டிய கட்டபொம்மன் கோட்டையில் வீரசக்கதேவி கோவில் திருவிழா 12.05.2023 மற்றும் 13.05.2023 ஆகிய இரண்டு நாட்கள் நடைபெறவுள்ளது.
இதுதொடர்பாக சட்டம் ஒழுங்கை பராமரிக்கும் வகையில் தூத்துக்குடி மாவட்டத்திலுள்ள பட்டியலில் குறிப்பிடப்பட்டுள்ள 64 அரசு மதுபான கடைகள் மற்றும் அதனுடன் இணைந்த மதுபானக்கூடங்களை பொதுமக்கள் நலன் கருதியும் சட்டம் ஒழுங்கு பிரச்சனைகளை கருத்திற் கொண்டும் 12.05.2023 அன்று ஒரு நாள் மட்டும் மூடுவதற்கு உத்தரவிடப்படுகிறது.
மேற்குறிப்பிட்ட தினத்தில் மதுபான விற்பனை, மதுபானத்தை ஓரிடத்திலிருந்து மற்றொரு இடத்திற்கு கடத்துதல், மதுபானத்தை பதுக்கி வைத்தல் போன்ற செயல்கள் கண்டறியப்பட்டால் சம்பந்தப்பட்ட நபர்கள் மீது தமிழ்நாடு மதுவிலக்கு அமலாக்கச் சட்டத்தின் கீழ் குற்றவியல் நடவடிக்கை மேற்கொள்ளப்படும் என மாவட்ட ஆட்சியர் கி.செந்தில்ராஜ், தெரிவித்துள்ளார்.
