குரும்பூர் பகுதியில் மறுசுழற்சி பாதுகாவலர்களுக்கு மாவட்ட அளவிலான ஒருங்கிணைப்பு விழா..!

தூத்துக்குடி மாவட்டம் குரும்பூர் பகுதியில் மறுசுழற்சி பாதுகாவலர்களுக்கு மாவட்ட அளவிலான ஒருங்கிணைப்பு விழா நடைபெற்றது.

  தூத்துக்குடி மாவட்டம், குரும்பூர் பகுதியில் ஹேண்ட் இன் ஹேண்ட் இந்தியா நிறுவனத் தலைவர் டாக்டர்.கல்பனா சங்கர் அவர்களின் ஆலோசனை படி மற்றும் தலைமை நிர்வாக அலுவலர் திரு : கிருஷ்ணன் அவர்களின் வழிகாட்டுதலின்படியும், தூத்துக்குடி மாவட்ட திட்ட அலுவலர் திருமதி: ஜெயா அவர்கள் ஒருங்கிணைப்பில், தூத்துக்குடி மாவட்டத்தில் பிளாஸ்டிக் கழிவு பொருட்களை சேகரித்து தரம் பிரித்து பூமியை பாதுகாக்கும் பணியில் ஈடுபட்டுள்ள மறுசுழற்சி பாதுகாவலர்களை கண்டெடுத்து புதுமையான வழிமுறைகளுடன் அவர்களுக்கு பயிற்சி வழங்கப்படுகிறது இத்திட்டமானது மூன்று படிநிலைகளுடன் (ENGAGE, EDUCATE, and EMPOWER) செயல்படுத்தப்பட்டு வருகிறது.

      இன்று அதில் ஒரு பகுதியாக மறுசுழற்சி பாதுகாவலர்களுக்கு மாவட்ட அளவிலான ஒருங்கிணைப்பு விழா நடைபெற்றது 

தூத்துக்குடி மாவட்ட இளைஞர் அணி செயலாளர் திரு. இராம ஜெயம் அவர்களின் உதவியுடன் ஞானம் மஹாலில் நடைபெற்றது அதில் கிருஷ்ணாபுரம், ஶ்ரீவைகுண்டம், ஆத்தூர், எரல் மற்றும் கோவில்பட்டி ஆகிய பகுதியை சார்ந்த மறுசுழற்சி பாதுகாவலர்கள் கலந்து கொண்டனர் மேலும் சிறப்பு விருந்தினர்களாக குரும்பூர் காவல் துறை உதவி ஆய்வாளர் திரு.மம்முது அவர்களும் குரும்பூர் ஊராட்சி ஒன்றிய நடுநிலைப்பள்ளியின் தலைமை ஆசிரியர் திருமதி. ஜெஸ்ஸி ராணி தலைமை ஆசிரியர் அவர்களும் கலந்து கொண்டு மறுசுழற்சி பாதுகாவலர்களின் அன்றாட வேலை பற்றி அவர்களிடம் கேட்டு அறிந்து கொண்டனம் மேலும் கல்வி பற்றிய முக்கியத்தும், பெண்கல்வி , தனி மனித கடமை, ஒழுக்கம், மற்றும் , சுகாதாரம் போன்றவை பற்றிய விழிப்புணர்வு எடுத்துரைத்தனர். இந்நிகழ்ச்சியில் மறுசுழற்சி பாதுகாவலர்கள் பழைய பொருள்களை வைத்து மறுஉருவாக்கம் செய்த பொருள்களை காட்சி படுத்தினர் இந்நிகழ்ச்சியின் முடிவில் ஹேன்ட் இன் ஹேன்ட் ஹேன்ட் நிறுவனம் சார்பாக மறுசுழற்சி பாதுகாவலர்களுக்கு நோட் ,பென் வழங்கப்பட்டது 

 இந்நிகழ்ச்சிக்கான ஏற்பாடுகளை ஹேன்ட் இன் ஹேண்ட் இந்தியா வின் தூத்துக்குடி மாவட்ட திட்ட அலுவலர் திருமதி ஜெயா அவர்கள் செய்திருந்தார்.