படகில் இருந்து கடலில் தவறி விழுந்த மீனவர் பலி : தூத்துக்குடியில் பரிதாபம்!
படகில் இருந்து கடலில் தவறி விழுந்த மீனவர் பலி : தூத்துக்குடியில் பரிதாபம்!
தூத்துக்குடியில் படகில் இருந்து கடலில் தவறி விழுந்து மீனவர் ஒருவர் பரிதாபமாக உயிரிழந்தார்.
தூத்துக்குடி திரேஸ்புரம் உடைமரத் தெருவைச் சேர்ந்தவர் கிளிட்டஸ் மகன் ஜவகர் (29), மீன்னவர். இவர் கடந்த 7ஆம் தேதி நாட்டுப் படகில் 8 மீனவர்களுடன் கடலுக்குள் மீன் பிடிக்க சென்றார். இரண்டு நாட்கள் கடலில் தங்கி மீன் பிடித்து விட்டு நேற்று இரவு கடற்கரைக்கு திரும்பி வரும்போது கடலில் பயங்கர காற்று வீசியதாம். அப்போது ஜவகர் தடுமாறியதில் கடலுக்குள் விழுந்து விட்டாராம்.
உடனே சக மீனவர்கள் அவரை மீட்டு கரைக்கு கொண்டு வரும் வழியில் அவர் பரிதாபமாக இறந்தார். இது குறித்து தருவைகுளம் மரைன் காவல் நிலையத்தில் இன்ஸ்பெக்டர் சைலஸ் வழக்குப் பதிந்து விசாரணை நடத்தி வருகிறார். ஜவகர் சடலம் பரிசோதனைக்காக தூத்துக்குடி அரசு மருத்துவமனைக்கு அனுப்பி வைக்கப்பட்டுள்ளது. இந்த சம்பவம் மீனவர்கள் மத்தியில் சோகத்தை ஏற்படுத்தியுள்ளது.
