வெச்சான் பாருங்க.. பட்ஜெட்ல 7900mAh பேட்டரி.. 44W சார்ஜிங்.. 12GB ரேம்.. புது POCO ஸ்மார்ட்போன்.. எந்த மாடல்?

இந்திய ஸ்மார்ட்போன் சந்தையில் புதிய பட்ஜெட் 5G மாடலாக POCO M8x 5G ஸ்மார்ட்போன் அறிமுகமாக உள்ளது. வரும் ஆகஸ்ட் 21ஆம் தேதி இந்தியாவில் அறிமுகம் செய்யப்பட உள்ள இந்த ஸ்மார்ட்போனின் பேட்டரி, ஃபாஸ்ட் சார்ஜிங், கூலிங் சிஸ்டம் மற்றும் விர்ச்சுவல் ரேம் உள்ளிட்ட முக்கிய அம்சங்களை போகோ நிறுவனம் அதிகாரப்பூர்வமாக உறுதி செய்துள்ளது.

Flipkart மற்றும் POCO அதிகாரப்பூர்வ தளங்களில் இதற்கான மைக்ரோசைட் ஏற்கனவே திறக்கப்பட்டுள்ள நிலையில், ஸ்மார்ட்போனின் முக்கிய அம்சங்கள் ஒவ்வொன்றாக வெளியிடப்பட்டு வருகின்றன.

Snapdragon 4 Gen 5 சிப்செட்

POCO M8x 5G ஸ்மார்ட்போனில் Qualcomm Snapdragon 4 Gen 5 சிப்செட் இடம்பெறுகிறது. 4nm ப்ராசஸர் தொழில்நுட்பத்தை அடிப்படையாகக் கொண்ட இந்த சிப்செட் மூலம் 6.5 லட்சத்துக்கும் அதிகமான AnTuTu ஸ்கோர் கிடைக்கும் என்று நிறுவனம் தெரிவித்துள்ளது.

இந்தியாவில் Snapdragon 4 Gen 5 சிப்செட்டுடன் வெளியாகும் முதல் ஸ்மார்ட்போன் இதுவாக இருக்கும் என்றும் POCO தரப்பில் தெரிவிக்கப்பட்டுள்ளது.

12GB RAM Performance!

இந்த போனில் 6GB physical RAM + 6GB Virtual RAM வழங்கப்பட உள்ளது. இதன் மூலம் மொத்தமாக 12GB RAM அளவிலான செயல்திறனை எதிர்பார்க்க முடியும்.

மெமரி வேரியண்ட் குறித்த முழுமையான தகவல் இன்னும் வெளியாகவில்லை. இருப்பினும், அடிப்படை வேரியண்ட்டில் 128GB storage இடம்பெற வாய்ப்புள்ளதாக எதிர்பார்க்கப்படுகிறது.

7900mAh பேட்டரி – கேமர்களுக்கு செம பேக்கப்!

POCO M8x 5G-யின் மிகப்பெரிய சிறப்பம்சங்களில் ஒன்று அதன் பிரம்மாண்டமான 7900mAh பேட்டரி ஆகும்.

இதனுடன் 45W fast charging வசதியும், 22.5W reverse charging வசதியும் வழங்கப்பட உள்ளது.

இதனால் நீண்ட நேரம் கேமிங், வீடியோ ஸ்ட்ரீமிங் மற்றும் தொடர்ச்சியான 5G பயன்பாட்டுக்கு அதிக பேட்டரி பேக்கப் கிடைக்கும் என எதிர்பார்க்கப்படுகிறது.

மேலும், reverse charging மூலம் இயர்பட்ஸ், ஹெட்போன்கள் உள்ளிட்ட மற்ற சாதனங்களுக்கும் அவசர நேரத்தில் சார்ஜ் வழங்க முடியும்.

ஹீட் ஆகாமல் கேமிங் செய்யலாம்?

கேமிங் மற்றும் ஹெவி யூசேஜை கருத்தில் கொண்டு POCO M8x 5G-யில் மேம்பட்ட Thermal Management System கொடுக்கப்பட்டுள்ளது.

இதில்:

• 12,439mm² Ultra-Large Graphite Sheet

• 1,924mm² Copper Foil Layer

ஆகியவை இடம்பெறுகின்றன.

இவை சார்ஜிங் மற்றும் நீண்ட நேர கேமிங்கின்போது உருவாகும் வெப்பத்தை கட்டுப்படுத்த உதவும் என்று எதிர்பார்க்கப்படுகிறது.

டிசைனிலும் தனி கவனம்

POCO M8x 5G-யில் Flat Display இடம்பெறுகிறது. பின்புறத்தில் Vegan Leather Panel வழங்கப்பட்டுள்ளதாக தெரிவிக்கப்பட்டுள்ளது.

மேலும், Dual Camera அமைப்புடன் Golden Colour Camera Bump மற்றும் Golden Metallic Finish கொண்ட Middle Frame ஆகியவை போனுக்கு பிரீமியம் தோற்றத்தை வழங்குகின்றன.

தற்போது வெளியாகியுள்ள தகவலின்படி, இந்த போன் Green colour வேரியண்ட்டிலும் அறிமுகமாக உள்ளது.

Android 16 கிடைக்குமா?

POCO M8x 5G ஸ்மார்ட்போனில் Android 16 OS இடம்பெறும் என எதிர்பார்க்கப்படுகிறது. ஆனால் மென்பொருள் தொடர்பான முழுமையான விவரங்களை நிறுவனம் இன்னும் அதிகாரப்பூர்வமாக வெளியிடவில்லை.

விலை எப்படி இருக்கும்?

POCO M8x 5G-யின் அதிகாரப்பூர்வ விலை இன்னும் அறிவிக்கப்படவில்லை. இருப்பினும், 6GB RAM கொண்ட இந்த மாடல் பட்ஜெட் மற்றும் மிட்-ரேஞ்ச் பிரிவுக்கு இடைப்பட்ட விலையில் வெளியாகும் என எதிர்பார்க்கப்படுகிறது.

7900mAh பேட்டரி + 45W சார்ஜிங் + Snapdragon 4 Gen 5 + மேம்பட்ட கூலிங் சிஸ்டம் ஆகிய அம்சங்கள் காரணமாக, பட்ஜெட் கேமிங் ஸ்மார்ட்போன் சந்தையில் POCO M8x 5G கவனம் ஈர்க்கும் என எதிர்பார்க்கப்படுகிறது.

ஆகஸ்ட் 21ஆம் தேதி இந்த ஸ்மார்ட்போன் அதிகாரப்பூர்வமாக அறிமுகம் செய்யப்பட உள்ள நிலையில், அதன் விலை மற்றும் முழுமையான ஸ்பெக்குகள் குறித்த தகவல்கள் அடுத்தடுத்து வெளியாகும் என எதிர்பார்க்கப்படுகிறது.