முள்ளக்காடு அருகே வாலிபரை வெட்டிய 2பேர் கைது!
தூத்துக்குடி முள்ளக்காடு அருகே வாலிபரை வெட்டிய 2 பேர் கைது செய்யப்பட்டனர். மேலும் ஒருவரை போலீசார் தேடிவருகின்றனர்.
தூத்துக்குடி முள்ளக்காடு அருகே வாலிபரை வெட்டிய 2 பேர் கைது செய்யப்பட்டனர். மேலும் ஒருவரை போலீசார் தேடிவருகின்றனர்.
தூத்துக்குடி அருகே உள்ள முள்ளக்காடு தேவி நகர் 1-வது தெருவை சேர்ந்தவர் கணேசன் (51) மகன் மகேஷ் குமார் (22). நேற்று முன்தினம் மாலையில் முள்ளக்காடு முனியசாமி நகர் கோவில் பாலம் அருகில் நடந்து சென்று கொண்டிருந்தபோது அவரை 3பேர் வழிமறித்து அவதூறாக பேசி அரிவாளால் சரமாரியாக வெட்டிவிட்டு தப்பி ஓடிவிட்டனர்.
இதில் மகேஷ் குமார் பலத்த காயமடைந்த அவரை அக்கம் பக்கத்தினர் மீட்டு, முள்ளக்காட்டில் உள்ள அரசு ஆரம்ப சுகாதார நிலையத்தில் சேர்த்தனர். இதுகுறித்த புகாரின் பேரில் முத்தையாபுரம் போலீஸ் இன்ஸ்பெக்டர் செந்தில்குமார் வழக்கு பதிவு செய்து , அதே பகுதியைச் சேர்ந்த முத்துராஜ் (28), சின்னராஜ் (23) ஆகிய பேரை கைது செய்தனர். மேலும் இந்த வழக்கில் தலைமறைவாக உள்ள முகேஷ் என்பவரை தேடி வருகின்றனர்.
