சாலை விபத்துக்களில் பெண் உட்பட 2பேர் பலி!
தூத்துக்குடி மாவட்டத்தில் வெவ்வேறு பகுதிகளில் நடந்த சாலை விபத்துக்களில் பெண் உட்பட 2பேர் உயிரிழந்தனர்.
தூத்துக்குடி மாவட்டம் கோவில்பட்டி பசுவந்தனை ரோடு திருப்பதி காலனியைச் சேர்ந்தவர் குருசாமி மனைவி பத்மாவதி (67), இவர் அப்பகுதியில் சாலையில் நடந்து சென்றபோது அந்த வழியாக வந்த கார் இவர் மீது மோதியதில் பலத்த காயம் அடைந்த அவர் சம்பவ இடத்திலேயே உயிரிழந்தார். இதுகுறித்து கோவில்பட்டி மேற்கு காவல் நிலைய இன்ஸ்பெக்டர் சுதா தேவி வழக்குப் பதிந்து விசாரணை நடத்தி வருகிறார்.
மற்றொரு சம்பவம்
தூத்துக்குடி மாவட்டம் கழுகுமலை வின்சென்ட் நகரைச் சேர்ந்தவர் தர்மர் மகன் காமராஜ் (48), இவர் கோவில்பட்டி கழுகுமலை மெயின் ரோட்டில் சைக்கிளில் சென்று கொண்டிருந்தபோது லாரி இவர் மீது மோதியதில் பலத்த காயம் அடைந்த அவர் சம்பவ இடத்திலேயே பரிதாபமாக இறந்தார். இது குறித்து கழுகுமலை காவல் நிலைய இன்ஸ்பெக்டர் பத்மாவதி வழக்குப் பதிந்து, லாரியை ஓட்டி வந்த டிரைவர் தென்காசியைச் சேர்ந்த லாரி டிரைவர் முருகன் மகன் சதீஷ்குமார் (25) என்பவரை கைது செய்து விசாரணை நடத்தி வருகிறார்.
