தூத்துக்குடியில் பள்ளி மாணவிகள் 3பேர் மாயம்!

தூத்துக்குடியில் ஒரே பள்ளியை சேர்ந்த மாணவிகள் 3பேர் காணாமல் போனது குறித்து போலீசார் விசாரணை நடத்தி வருகின்றனர். 

தூத்துக்குடி முத்தையாபுரம், பாரதி நகரைச் சேர்ந்த, 3 மாணவிகள் தூத்துக்குடி மாநகர் பகுதியில் உள்ள தனியார் பெண்கள் மேல்நிலைப் பள்ளியில் 10ம் வகுப்பு படித்து வருகின்றனர். நேற்று வழக்கம்போல் வழக்கமான வேனில் பள்ளிக்கு வந்த 3 சிறுமிகளும் மாலையில் வீடு திரும்பவில்லை. பெற்றோரிடம் விசாரித்ததில் சிறுமிகள் 3 பேரும் சத்திரம் பஸ் ஸ்டாப்பில் இறங்கி பள்ளிக்கு செல்லாதது தெரியவந்தது. இதையடுத்து பெற்றோர்களின் புகார் அடிப்படையில் மத்தியபாகம் போலீஸ் இன்ஸ்பெக்டர் ஐயப்பன் வழக்குப் பதிந்து விசாரணை நடத்தி வருகிறார்.