தூத்துக்குடி: முத்தையாபுரம் அருகே வாகன தனிக்கையில் ஈடுபட்டபோது சப் இன்ஸ்பெக்டருக்கு கொலைமிரட்டல்: வாலிபர் கைது!
தூத்துக்குடியில் வாகன தனிக்கையில் ஈடுபட்டபோது போலீஸ் சப்-இன்ஸ்பெக்டருக்கு கொலைமிரட்டல் விடுத்த வாலிபரை போலீசார் கைது செய்தனர்.
தூத்துக்குடி முத்தையாபுரம் போலீஸ் சிறப்பு சப்- இன்ஸ்பெக்டர் சிவசுப்பிரமணியன் மற்றும் போலீசார் அத்திமரப்பட்டி ரோட்டில் வாகன சோதனையில் ஈடுபட்டனர். அப்போது அந்த வழியாக வேகமாக மோட்டார் சைக்கிளில் வந்தவரை நிறுத்துமாறு போலீசார் சைகை காட்டினர். ஆனால் அவர் போலீசாரை பார்த்ததும் நிற்காமல் அதிவேகமாக மோட்டார் சைக்கிளை செலுத்தி கொண்டு தப்பி ெசன்றார்.
இதனையடுத்து போலீசார் வாகனத்தில் சிறிது தூரம் துரத்தி சென்று அவரை மடக்கி பிடித்து விசாரணை நடத்தினர். அவர் முத்தையாபுரம் பகுதியை சேர்ந்த ஜான்ராஜ் மகன் இம்மானுவேல் அப்துல்லா (32) என்பது தெரிய வந்தது. தொடர்ந்து போலீசார் மோட்டார் ைசக்கிள் ஆவணங்களை அவரிடம் கேட்டனர். அப்போது அவர் சிறப்பு சப்-இன்ஸ்பெக்டரை அவதூறாக பேசி கொலை மிரட்டல் விடுத்துள்ளார்.
இதனை தொடர்ந்து முத்தையாபுரம் போலீசார் வழக்குப்பதிவு செய்து இம்மானுவேல் அப்துல்லாவை கைது செய்தனர். மோட்டார் சைக்கிளையும் போலீசார் பறிமுதல் செய்தனர். அவர் மீது முத்தையாபுரம் காவல் நிலையத்தில் பல்வேறு வழக்குகள் நிலுவையில் உள்ளது என்பது குறிப்பிடத்தக்கது.
-------------------------------------------------------------------------
உள்ளூர் முதல் உலக செய்திகள் வரை தெரிந்துகொள்ள...
JOIN WHATSAPP CHANNEL CLICK HERE :-
