கயத்தாறு அருகே இளம்பெண்ணிடம் அத்துமீறிய விவசாயி கைது!
கயத்தாறு அருகே இளம்பெண்ணை பாலியல் பலாத்காரம் செய்ய முயன்ற விவசாயியை போலீசார் கைது செய்தனர்.
கயத்தாறு அருகே இளம்பெண்ணை பாலியல் பலாத்காரம் செய்ய முயன்ற விவசாயியை போலீசார் கைது செய்தனர்.
இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், கயத்தாறு அருகே சன்னதுபுதுக்குடியை சேர்ந்த ராமர் மகன் முத்துமாடன்(வயது 30). விவசாயி. இவருக்கு இன்னும் திருமணமாகவில்லை. இந்நிலையில் நேற்று முன்தினம் இரவு அதே ஊரைச் சேர்ந்த திருமணமான இளம்பெண் ஒருவர் அம்மன் கோவில் அருகே உள்ள ஓடைப் பக்கம் கழிப்பறைக்கு சென்றுள்ளார்.
இருளில் மறைந்தவாறு முத்துமாடன் அவரை பின்தொடர்ந்து சென்றுள்ளார். ஒதுக்குப்புறமான இடத்தில் தீடீரென்று அவரை முத்துமாடன் கட்டிப்பிடித்து மானபங்கம் செய்ய முயன்றுள்ளார். இதனால் அதிர்ச்சி அடைந்த அந்த பெண் கூச்சலிட்டுள்ளார். அவரது அலறல் சத்தம்கேட்டு அக்கம் பக்கத்தினர் அந்த பகுதியில் திரண்டுள்ளனர். இதை கவனித்த முத்துமாடன் பெண்ணை அவதூறாக பேசி மிரட்டிவிட்டு தப்பி ஓடிவிட்டாராம்.
இதுகுறித்து அப்பெண் கொடுத்த புகாரின் பேரில் கயத்தாறு காவல் நிலைய ஆய்வாளர் பாஸ்கரன் வழக்குப்பதிவு செய்து தலைமறைவாக இருந்த முத்துமாடனை நேற்று கைது செய்தார். பின்னர் கோர்ட்டில் ஆஜர் செய்யப்பட்ட அவர் சிறையில் அடைக்கப்பட்டார். இந்த சம்பவம் அப்பகுதிகளில் பரபரப்பை ஏற்படுத்தி உள்ளது.
+++++++++++++++++++++++++++++++
தூத்துக்குடி மாவட்ட உள்ளூர் செய்திகள் முதல் உலகம் வரை இன்றைய முக்கிய செய்திகள் (Top Tamil News, Breaking News, Thoothukudi news,), அண்மைச் செய்திகள் (Latest Tamil News), அனைத்தையும் டூட்டி விஷன் நியூஸ் (www.tutyvision.com) இணையதளத்தில் உடனுக்குடன் அறியலாம்.
Whatsapp Group: Click Here...
