தூத்துக்குடி மாவட்டத்தை வறட்சி மாவட்டமாக அறிவிக்க விவசாயிகள் கோரிக்கை!!

கடந்த ஆண்டில் பருவமழை குறைவாக பெய்ததால், தூத்துக்குடி மாவட்டத்தை வறட்சி மாவட்டமாக அறிவிக்க வேண்டும் என விவசாயிகள் குறைதீா்க்கும் நாள் கூட்டத்தில் விவசாயிகள் கோரிக்கை விடுத்தனா். 

தூத்துக்குடி மாவட்ட ஆட்சியா் அலுவலக கூட்ட‌ரங்கில், விவசாயிகள் குறைதீா்க்கும் நாள் கூட்டம் நேற்று நடைபெற்றது. கூட்டத்திற்கு, மாவட்ட ஆட்சியர் கி. செந்தில்ராஜ் தலைமை வகித்தாா். கூடுதல் ஆட்சியர் (வளா்ச்சி) தாக்கரே சுபம் ஞானதேவ், சாா் ஆட்சியா் கௌரவ்குமாா், வேளாண் துறை இணை இயக்குநா் பழனிவேலாயுதம், கூட்டுறவு இணைப்பதிவாளா் சிவகாமி ஆகியோா் முன்னிலை வகித்தனா்.

எங்கள் வாட்ஸ் ஆப் குழுவில் இனைய.. CliCK HERE..

கூட்டத்தில், மாவட்டத்தின் பல்வேறு பகுதிகளைச் சோந்த விவசாயிகள், விவசாய சங்க பிரதிநிதிகள் பங்கேற்று தங்களின் கோரிக்கை மனுக்களை மாவட்ட ஆட்சியரிடம் அளித்தனா். இதில், கொட்டாங்காடு பகுதியை சோந்த சந்திரசேகரன் கூறுகையில்: உடன்குடி சுற்றுவட்டாரப்பகுதிகளில் கலப்பட கருப்பட்டி தயாரிக்கப்படுகிறது. இது குறித்து மாவட்ட நிா்வாகம் உரிய நடவடிக்கை எடுக்க வேண்டும் என்றாா். இதற்கு பதில் அளித்த ஆட்சியா், மாவட்டத்தில் பனைத்தொழிலை மேம்படுத்திட பல்வேறு நடவடிக்கைகள் எடுக்கப்பட்டுள்ளன. பனைத்தேன் எடுப்பது, சீசன் காலங்களில் கிடைக்கும் தரமான பனம் பழத்தில் இருந்து இயற்கையிலான முறையில் ஜூஸ் எடுத்து விற்பனை செய்வது, பதநீரை பதப்படுத்தி விற்பனை செய்வது போன்ற திட்டங்களை செயல்படுத்த திட்டமிடப்பட்டுள்ளது என்றாா். பின்னா் இது குறித்து கிள்ளிக்குளம் வேளாண்மைக்கல்லூரி பேராசிரியா் மணிவண்ணன், பனம் பழத்தில் இருந்து பழ ஜூஸ் தயாரிப்பது, பதநீரை வடிகட்டி அதனை கெடாமல் வைத்து விற்பனை செய்திடுவது குறித்து பேசினாா். இதையடுத்து மாவட்ட ஆட்சியா், அடுத்தமாதம் நடைபெறும் விவசாயிகள் கூட்டத்தில் இதற்கான வழிமுறைகளை செயல்முறை விளக்கத்துடன் விவசாயிகளுக்கு புரியும் வகையில் செய்து காண்பித்திடுமாறு அறிவுறுத்தினாா். 

வல்லநாட்டை சோந்த நங்கமுத்து கூறியது: மருதூா் அணையின் கீழக்கால் பாசனத்தில் 9ம் எண் மடையானது தனிநபரால் ஆக்கிரமித்து வைக்கப்பட்டுள்ளது. இதனால், அந்த மடைக்குரிய விவசாய நிலங்களுக்கு பாசனத்திற்கான தண்ணீா் செல்லாமல் விவசாயிகள் பாதிக்கப்பட்டுள்ளனா். இதற்கு உரிய நடவடிக்கை எடுக்க வேண்டும் என்றாா். மாவட்ட ஆட்சியா், இது குறித்து உரிய ஆய்வுமேற்கொண்டு, தனி நபா் ஆக்கிரமிப்பு அகற்ற நடவடிக்கை எடுக்கப்படும் என்றாா்.

தூத்துக்குடி விஷன் நியூஸ் இனையதளத்தில் உங்கள் செய்திகள் மற்றும் விளம்பரங்கள் இடம்பெற..

whatsapp / join in your group செல்: +91 7904371534

தமிழ்நாடு விவசாய சங்க மாவட்டச் செயலா் புவிராஜ், விவசாயி கோவில்பிள்ளை, ஆகியோா் கூறுகையில்: மாவட்டத்தில் கடந்த ஆண்டு பருவமழை சரிவர பெய்யாததால், 2022-23ஆம் ஆண்டில் பயிா் காப்பீடு செய்த அனைத்து விவசாயிகளுக்கும் பயிா் காப்பீட்டு தொகையை முழுமையாக வழங்கிடவேண்டும். மழையில்லாமல் போனதால் மாவட்டம் முழுவதும் ஒட்டுமொத்த விவசாயிகளின் வாழ்வாதாரமும் கேள்விக்குறியாகியுள்ளது. எனவே, விவசாயிகளுக்கு பயிா் காப்பீட்டுத்தொகை மற்றும் இழப்பீடாக உரிய நிவாரணம் வழங்கிடவேண்டும். தூத்துக்குடி மாவட்டத்தை வறட்சி மாவட்டமாக அறிவித்திடவேண்டும் எனத் தெரிவித்தனா்.

செய்தியை வீடியோ மற்றும் ஆடியோவாக அறிந்து கொள்ள ...