தூத்துக்குடியில் கொட்டும் மழையில் அமைச்சர் கீதாஜீவன் ஆய்வு!
தூத்துக்குடியில் மழைநீர் தேங்கிய பகுதிகளை கொட்டும் மழையில் அமைச்சர் கீதாஜீவன் ஆய்வு மேற்கொண்டார்.
தூத்துக்குடியில் கடந்த 2 நாட்களாக தொடர் கனமழை பெய்து வருகிறது. இந்த நிலையில், சமூகநலன் மற்றும் மகளிர் உரிமைத்துறை அமைச்சர் முத்தையாபுரம் பகுதி பொன்னாண்டி நகர் பகுதியில் மழை நீர் தேங்கியுள்ள இடங்களை கொட்டும் மழையில் குடை பிடித்தவாறு நேரில் சென்று ஆய்வு செய்து விரைவாக மழைநீரை அப்புறப்படுத்த உத்தரவிட்டார்.
ஆய்வின்போது மாநகராட்சி தெற்கு மண்டலத் தலைவர் வக்கீல் பாலகுருசுவாமி, இளநிலை பொறியாளர் செல்வம், கவுன்சிலர் விஜயகுமார், மாநகர நெசவாளர் அணி துணை அமைப்பாளர் குமரன், முன்னாள் அறங்காவலர் குழு தலைவர் செந்தில்குமார், மற்றும் மணி அல்பட் உள்பட பலர் உடனிருந்தனர்.
