தூத்துக்குடியில் வழக்கறிஞர் வெட்டி படுகொலை : குடும்பத்திற்கு அரசு வேலை வழங்க அருணா தேவி ரமேஷ் பாண்டியன் கோரிக்கை..!

தூத்துக்குடியில் வழக்கறிஞர் முத்துக்குமார் நேற்று மதியம் சோரீஸ்புரம் பகுதியில் அவரது நகைக்கடையில் வைத்து மர்ம நபர்களால் பயங்கர ஆயுதங்களைக் கொண்டு வெட்டி படுகொலை செய்யப்பட்டார்.

இந்த படுகொலையை கண்டித்து தூத்துக்குடி மாவட்ட வழக்குரைஞர்கள் சங்கம் சார்பில் கொலை குற்றவாளிகளுக்கு ஆதரவாக கூடாது என தீர்மானம் நிறைவேற்றப்பட்டு காலையில் நீதிமன்ற புறக்கணிப்பு மற்றும் சாலை மறியல் போராட்டத்தில் ஈடுபட்டனர்.

இச்சம்பவம் குறித்து மக்கள் நல உரிமை அமைப்பாளர் அருணா தேவி ரமேஷ் பாண்டியன் விடுத்துள்ள அறிக்கையில்;

நீதிக்காக போராடிய வக்கீல் முத்துக்குமார், ஆட்சியர் மற்றும் எஸ்பி அலுவலகம் அருகில் பட்டப்பகலில் படுகொலை செய்யப்பட்டது வன்மையாக கண்டிக்கத்தக்கது. இதனால் பொதுமக்கள் பெரும் அச்சம் அடைந்துள்ளனர். சட்டம் ஒழுங்கு சீர்குலைந்துள்ளது. நீதிக்காக போராடிய வழக்கறிஞருக்கு மாவட்ட நிர்வாகம் பாதுகாப்பு வழங்காததே இக்கொலைக்காண காரணம் எனவே அரசே முழு பொருப்பையும் ஏற்று . குற்றவாளிகள் விரைவில் கைது செய்யப்படவேண்டும், கடுமையான தண்டனை வழங்க வேண்டும். பாதிக்கப்பட்ட குடும்பத்திற்க்கு அரசு வேலையும் ,5 கோடி ரூபாய் நஷ்டஈடாக அரசு வழங்க ஆவணம் செய்யவேண்டும் என தமிழக அரசை கேட்டுக்கொண்டுள்ளார்.