தூத்துக்குடியில் சாலை பள்ளத்தில் பைக் நிலைதடுமாறி விபத்தில் வாலிபர் பலி!
தூத்துக்குடியில் சாலை பள்ளத்தில் பைக் நிலைதடுமாறி விபத்தில் வாலிபர் பலி!
தூத்துக்குடியில் பைக் விபத்தில் படுகாயம் அடைந்த வாலிபர் சிகிச்சை பலனின்றி பரிதாபமாக இறந்தார்.
தூத்துக்குடி தாளமுத்து நகர் ஆனந்த நகரை சேர்ந்தவர் லிங்கராஜ். இவரது மகன் மணிகண்டன்(21). இவர் கூலி தொழிலாளியாக வேலை பார்த்து வந்தார். இந்நிலையில் மணிகண்டன் நேற்றிரவு மோட்டார் பைக்கில் தாளமுத்துநகர் சாலையில் சென்று கொண்டிருந்தபோது எதிர்பாராத விதமாக சாலை பள்ளத்தில் பைக் நிலைதடுமாறி விபத்துக்ககுள்ளானது.
இதில் பலத்த காயம் அடைந்த மணிகண்டன் தூத்துக்குடி அரசு மருத்துவமனையில் சிகிச்சைக்காக அனுமதிக்கப்பட்டார். அங்கு தீவிர சிகிச்சை அளிக்கப்பட்டு வந்த நிலையில் இன்று காலை அவர் பரிதாபமாக உயிரிழந்தார். விபத்து குறித்து தாளமுத்துநகர் போலீஸ் இன்ஸ்பெக்டர் மணிமாறன் வழக்குப்பதிவு செய்து விசாரணை மேற்கொண்டு வருகிறார்.
