முன்னாள் பஞ். தலைவருக்கு கொலை மிரட்டல்: சிறுவன் உள்பட 3 போ் கைது!

கோவில்பட்டி அருகே முன்னாள் ஊராட்சி மன்ற தலைவரை அவதூறாகப் பேசி கொலை மிரட்டல் விடுத்ததாக, சிறுவன் உள்பட 3 பேரை போலீசார் கைது செய்தனா்.

இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், கோவில்பட்டி அருகேயுள்ள மூப்பன்பட்டி கிழக்கு தெருவை சோ்ந்தவா் அய்யாசாமி மகன் மாரீஸ்வரன்(52). முன்னாள் ஊராட்சி மன்ற தலைவா். ஊரில் உள்ள காளியம்மன் கோவில் திருவிழாவிற்கு அதே பகுதியைச் சோ்ந்த ஜெயராஜ் மகன் செல்வகுமாா் என்ற கொக்கி குமாரிடம் வரி கேட்டாராம்.

அதையடுத்து மூப்பன்பட்டி கண்மாய்க்கரையில் மாரீஸ்வரன் நின்று கொண்டிருந்தபோது, செல்வகுமாா் என்ற கொக்கி குமாா் (44), மூப்பன்பட்டி காலனி திருமங்கை நகரைச் சோ்ந்த முருகன் மகன் அருண்குமாா் (24), அதே பகுதியைச் சோ்ந்த 17 வயது சிறுவன் ஆகியோா் அரிவாளுடன் வந்து மாரீஸ்வரனை அவதூறாகப் பேசி கொலை மிரட்டல் விடுத்தாா்களாம். இதுகுறித்து, மாரீஸ்வரன் அளித்த புகாரின் பேரில் கோவில்பட்டி கிழக்கு காவல் நிலைய போலீசார் வழக்குப் பதிந்து 3 பேரையும் கைது செய்தனா்.