சாத்தான்குளம் பென்னிக்ஸ் - ஜெயராஜ் கொலை வழக்கில் மதுரை கூடுதல் அமர்வு நீதிமன்றம் தீர்ப்பு வழங்கியது..!

சாத்தான்குளம் தந்தை-மகன் காவல் நிலைய மரண வழக்கில் குற்றம் சுமத்தப்பட்ட 9 பேரும் குற்றவாளிகள் என நீதிபதி பரபரப்பு தீர்ப்பு வழங்கியுள்ளது.

2020ஆம் ஆண்டு தூத்துக்குடி மாவட்டம் சாத்தான்குளம் பகுதியில் நடைபெற்ற தந்தை-மகன் காவல் தாக்குதல் மற்றும் மரணம் தொடர்பான வழக்கில் முக்கிய முன்னேற்றம் ஏற்பட்டுள்ளது.

ஜெயராஜ் மற்றும் அவரது மகன் பென்னிக்ஸ் (பென்னிஸ்) காவல்துறையினரால் தாக்கப்பட்டு உயிரிழந்த சம்பவம் நாடு முழுவதும் பெரும் அதிர்வை ஏற்படுத்தியது. இந்த வழக்கு பின்னர் மத்திய புலனாய்வு அமைப்பு (CBI)க்கு மாற்றப்பட்டு, அவர்கள் விரிவான விசாரணை மேற்கொண்டு குற்றப்பத்திரிகை தாக்கல் செய்தனர்.

இந்த வழக்கு கடந்த ஆறு ஆண்டுகளாக மதுரை மாவட்ட குற்றவியல் நீதிமன்றத்தில் விசாரணையில் இருந்து வந்த நிலையில், மார்ச் 23, 2026 அன்று நீதிபதி முத்துக்குமரன் தீர்ப்பை வாசிக்கத் தொடங்கினார்.

வழக்கின் முக்கிய அம்சங்கள்:

காவல்துறையினரால் தாக்குதலுக்குள்ளானதே ஜெயராஜ் மற்றும் பென்னிக்ஸ் மரணத்திற்கு காரணம் என நீதிமன்றத்தில் உறுதி செய்யப்பட்டது.

ஆய்வாளர் ஸ்ரீதரின் உத்தரவின் பேரிலேயே இருவரும் தாக்கப்பட்டதாக நீதிபதி குறிப்பிட்டார்.

காவல்நிலையத்தில் டேபிளில் படுக்க வைத்து கடுமையாக அடித்து பழகியதாகவும், “தந்தையும் மகனும் கிடைத்துள்ளனர், அடித்து பழகிக் கொள்வோம்” என போலீசாருக்கு உத்தரவிடப்பட்டதாகவும் சாட்சியங்களில் வெளிவந்துள்ளது.

இருவரின் உடலில் இருந்த காயங்கள் இயற்கை காயங்களுக்கு மாறானவை என்றும், 200 முறை மேல் தாக்கப்பட்டுள்ளதாகவும் அவர்கள் உறவினர்களிடம் தெரிவித்திருந்தது குறிப்பிடப்பட்டது.

கைகளை கயிற்றில் கட்டி தொங்கவிட்டு தாக்கியதாக மருத்துவ பரிசோதனை அறிக்கைகள் உறுதிப்படுத்துகின்றன.

இந்த காயங்கள் கொலைக்கு ஏற்ற வகையில் உள்ளதாக சிபிஐ தனது குற்றப்பத்திரிகையில் தெரிவித்துள்ளது.

தற்போதைய நிலை:

நீதிபதி தற்போது சிபிஐ தாக்கல் செய்த குற்றப்பத்திரிகையை முழுமையாக வாசித்து வருகிறார். வழக்கில் சம்பந்தப்பட்ட காவல்துறையினரின் பெயர்கள் மற்றும் அவர்களுக்கு எதிரான குற்றச்சாட்டுகள் பற்றிய விவரங்கள் தொடர்ந்து நீதிமன்றத்தில் பதிவு செய்யப்படுகின்றன.

சாத்தான்குளம் வழக்கு கொலை தான் என்பதை இந்த நீதிமன்றம் உறுதி செய்கிறது என்றும் குற்றவாளிகளுக்கு வருகிற 30-ஆம் தேதி என்ன தண்டனை என்பதை அறிவிப்பதாகவும் நீதிபதி அறிவித்துள்ளார்.