கோவில், பள்ளி, பேருந்து நிலையம் அருகே உள்ள 717 டாஸ்மாக் கடைகள் மூடல்..! முதல்வர் விஜய் அதிரடி உத்தரவு..!

தமிழகத்தில் வழிபாட்டு தலங்கள், கல்வி நிறுவனங்கள் மற்றும் பேருந்து நிலையங்கள் அருகே செயல்பட்டு வரும் 717 டாஸ்மாக் மதுபான கடைகளை இரண்டு வாரங்களுக்குள் மூடுமாறு தமிழக முதலமைச்சர் ஜோசப் விஜய் உத்தரவிட்டுள்ளார்.

தமிழ்நாடு மாநில வாணிபக் கழகம் (TASMAC) மூலம் தற்போது மாநிலம் முழுவதும் 4,765 மதுபான சில்லறை விற்பனை கடைகள் செயல்பட்டு வருகின்றன. பொதுமக்கள் நலனை கருத்தில் கொண்டு, கோவில்கள், பள்ளிகள் மற்றும் பேருந்து நிலையங்கள் அருகே உள்ள கடைகள் குறித்து ஆய்வு நடத்த முதல்வர் விஜய் உத்தரவிட்டிருந்தார்.

அதன்படி நடைபெற்ற ஆய்வில், 500 மீட்டர் சுற்றளவிற்குள் மொத்தம் 717 டாஸ்மாக் கடைகள் செயல்பட்டு வருவது கண்டறியப்பட்டது.

இதில்:

வழிபாட்டு தலங்கள் அருகே 276 கடைகள்

கல்வி நிறுவனங்கள் அருகே 186 கடைகள்

பேருந்து நிலையங்கள் அருகே 255 கடைகள்

என மொத்தம் 717 டாஸ்மாக் கடைகள் இருப்பது தெரியவந்துள்ளது.

இதனைத் தொடர்ந்து பொதுமக்கள், மாணவர்கள் மற்றும் பெண்களின் நலனை கருத்தில் கொண்டு இந்த கடைகளை அடுத்த இரண்டு வாரங்களுக்குள் மூட நடவடிக்கை எடுக்குமாறு முதல்வர் ஜோசப் விஜய் உத்தரவிட்டுள்ளதாக தமிழக அரசு வெளியிட்ட செய்திக்குறிப்பில் தெரிவிக்கப்பட்டுள்ளது.

இந்த அறிவிப்பு சமூக ஆர்வலர்கள் மற்றும் பொதுமக்கள் மத்தியில் வரவேற்பை பெற்றுள்ளது.