தூத்துக்குடியில் பரபரப்பு... ஒருதலை காதல் விவகாரம் பிளஸ் 2 மாணவிக்கு அரிவாள் வெட்டு: இளைஞர் கைது!

தூத்துக்குடி அருகே பிளஸ் 2 மாணவியை வெட்டிய வாலிபரை போலீசார் கைது செய்து விசாரணை நடத்தி வருகின்றனர். 

தூத்துக்குடி அருகே உள்ள கீழ செக்காரகுடி பகுதியை சேர்ந்த பிளஸ் 2 மாணவி இன்று இறுதி தேர்வு எழுதிவிட்டு பள்ளியில் இருந்து வெளியே வந்தபோது அதே பகுதியைச் சேர்ந்த முருகன் மகன் சோலையாப்பன் என்ற இளைஞர் அந்த மாணவியிடம் பேச முயன்றுள்ளார். அப்போது அந்த மாணவி அவரிடம் பேச்சு கொடுக்காமல் விலகி சென்றுள்ளார். இதில் அத்திரம் அடைந்த அவர் மறைத்து வைத்திருந்த அரிவாளால் மாணவியை சரமாாரியாக தாக்கினார். 

இதில் பலத்த காயம் அடைந்த அந்த மாணவி இரத்த வெள்ளத்தில் துடி துடித்து கீழே விழுந்தார். பின்னர் அங்கிருந்து தப்பி செல்ல முயன்ற அந்த இளைஞரை அப்பகுதியில் உள்ள பொதுமக்கள் பிடித்து தட்டப்பாரை போலீஸிடம் ஒப்படைத்தனர்.  படுகாயம் அடைந்த மாணவி தூத்துக்குடி அரசு மருத்துவமனையில் தீவிர சிகிச்சை பெற்று வருகிறார். இது தொடர்பாக தாட்டப்பாரை போலீசார் வழக்கு பதிவு செய்து விசாரணை நடத்தி வருகின்றனர்.

காரணம் என்ன?

போலீசாரின் விசாரணையில் சோலையப்பன் (23), அந்த மாணவியை ஒருதலையாக காதலித்து வந்தாராம். அந்த மாணவி அங்குள்ள அரசு மேல்நிலைப் பள்ளியில் பிளஸ் டூ படித்து வருகிறார். ஆகஸ்ட் மாதம் அவருக்கு 18 வயது ஆனதும், திருமணம் செய்து வைக்க பெற்றோர்கள் முடிவு செய்தார்களாம். இதையறிந்த சோலையப்பன் தனக்கு கிடைக்காத அந்த பெண் யாருக்கும் கிடைக்கக்கூடாது என்ற ஆத்திரத்தில அவரை கொலை செய்ய முடிவு செய்தாராம்.

இந்நிலையில் அந்த மாணவி இன்று பிளஸ் 2 தேர்வு கடைசி தேர்வு எழுதிவிட்டு வீட்டுக்கு கீழ செக்கரக்குடி ரோட்டில் நடந்து சென்று கொண்டிருந்தபோது சோலையப்பன் மாணவியை சரமாரியாக அரிவாளால் வெட்டியுள்ளார். இந்த சம்பவம் குறித்து தகவல் அறிந்த தட்டப் பாறை காவல் நிலைய போலீசார் சம்பவ இடத்துக்கு சென்று விசாரணை நடத்தி சோலையப்பனை கைது செய்தனர். மேலும் சம்பவம் தொடர்பாக வழக்கு பதிவு செய்து விசாரணை நடத்தி வருகின்றனர். இந்த சம்பவம் அந்தப் பகுதியில் பெரும் பரபரப்பை ஏற்படுத்தி உள்ளது.