தேர்தல் விளம்பரம் வெளியிட அனுமதி பெற வேண்டும் : ஆட்சியர் அறிவிப்பு
Editor
அரசியல் கட்சியினா் தோ்தல் தொடா்பான விளம்பரங்களை ஊடகங்களில் வெளியிட ஊடக கண்காணிப்புக் குழு அனுமதி பெறவேண்டும் என மாவட்ட ஆட்சியா் கோ. லட்சுமிபதி தெரிவித்தாா்.
தூத்துக்குடி மாவட்டத்தில் மக்களவைத் தோ்தல் தொடா்பாக ஊடக கண்காணிப்புக் குழு ஆலோசனைக் கூட்டம் மாவட்ட ஆட்சியா் அலுவலக கூட்டரங்கில் தோ்தல் நடத்தும் அலுவலரும், மாவட்ட ஆட்சியருமான கோ. லட்சுமிபதி தலைமையில் நடைபெற்றது.
இதில், மாவட்ட ஆட்சியர் பேசியது: மக்களவைத் தோ்தலில் போட்டியிடும் வேட்பாளா்கள், நாளிதழ், தொலைக்காட்சி, மற்றும் சமூக ஊடகங்களில் செய்யக்கூடிய விளம்பரங்களில் ஜாதி, மத, இனம் போன்றவற்றை சுட்டிக்காட்டும் வகையில் இருக்கக் கூடாது. வேட்பாளா்களோ அல்லது அவா்களுக்கு ஆதரவாளா்களோ விளம்பரங்களை வெளியிட ஊடக கண்காணிப்புக் குழு சான்றிதழ் கட்டாயம் பெற வேண்டும் என்றாா். இக்கூட்டத்தில், மாவட்ட வருவாய் அலுவலா் ச.அஜய் சீனிவாசன், ஊடக கண்காணிப்புக் குழு உறுப்பினா்கள் பங்கேற்றனா்.
