பள்ளி மாணவி தூக்கு போட்டு தற்கொலை : போலீசார் விசாரணை!

மெஞ்ஞானபுரம் அருகே பள்ளி மாணவி தூக்கு போட்டு தற்கொலை செய்து கொண்டது தொடர்பாக போலீசார் விசாரணை நடத்தி வருகின்றனர். 

இதுகுறித்து போலீஸ் தரப்பில் கூறப்படுவதாவது: தூத்துக்குடி மாவட்டம், மெஞ்ஞானபுரம் அருகேயுள்ள தோப்பூர் கிராமத்தைச் சேர்ந்தவர் பிரேம்குமார். இவரது மகள் குறிஞ்சிமலர் (14) மெஞ்ஞானபுரம் பகுதியில் உள்ள பள்ளியில் 8ஆம் வகுப்பு படித்து வருகிறார். தினமும் ஆட்டோவில் பள்ளிக்கு சென்று வந்துள்ளார். நேற்று முன்தினம் ஆட்டோ டிரைவரின் பர்ஸ் காணாமல் போனதாம். 

அதனை குறிஞ்சி மலர் எடுத்தாரா? என்று கேட்குமாறு அவரது பாட்டி அன்னம்மாள் என்பபவரிடம் ஆட்டோ டிரைவர் கூறியதாக தெரிகிறது. இதனையடுத்து மாணவியிடம் அவரது பாட்டி கேட்டுள்ளார். இதில் மனமுடைந்த குறிஞ்சி மலர் நேற்று தனது வீட்டில் தூக்குபோட்டு தற்கொலை செய்து கொண்டார். இந்த சம்பவம் குறித்து மெஞ்ஞானபுரம் போலீஸ் இன்ஸ்பெக்டர் திருநாவுக்கரசு வழக்குப் பதிந்து விசாரணை நடத்தி வருகிறார்.