சொத்து பிரச்சனையில் தென்னை நார் ஆலைக்கு தீ வைத்தவர் கைது!
தட்டார்மடம் அருகே சொத்து பிரச்சனையில் தென்னை நார் ஆலைக்கு தீ வைத்து எரித்து சேதப்படுத்தியவர் கைது செய்யப்பட்டார்.
தட்டார்மடம் அருகே சொத்து பிரச்சனையில் தென்னை நார் ஆலைக்கு தீ வைத்து எரித்து சேதப்படுத்தியவர் கைது செய்யப்பட்டார்.
தூத்துக்குடி மாவட்டம் தட்டார்மடம் காவல் நிலைய எல்லைக்குட்பட்ட அதிசயபுரம் பகுதியைச் சேர்ந்த தாமஸ் மகன் சுவிஸ்கர் ஜோசப் (29) என்பவருக்கும், அதே பகுதியைச் சேர்ந்த இவரது உறவினரான ஏனோக் மகன் ஞானராஜ் (37) என்பவருக்கும் இடையே சொத்து பிரச்சனை இருந்து வந்துள்ளது.
இந்த முன்விரோதம் காரணமாக கடந்த 18.06.2023 அன்று ஞானராஜ் சுவிஸ்கர் ஜோசப்பிற்கு சொந்தமான அதிசயபுரம் பகுதியில் உள்ள தென்னை நார் தயாரிக்கும் ஆலைக்கு தீ வைத்து எரித்து சேதப்படுத்தியுள்ளார். இதுகுறித்து சுவிஸ்கர் ஜோசப் அளித்த புகாரின் பேரில் தட்டார்மடம் காவல் நிலைய ஆய்வாளர் பவுலோஸ் வழக்குபதிவு செய்து ஞானராஜை கைது செய்தார்.
