TNUSRB) - SI மற்றும் PC சீருடைப் பணியாளர் தேர்வுக்கு இலவச பயிற்சி வகுப்புகள் : ஆட்சியர் தகவல்!

தூத்துக்குடியில்  தமிழ்நாடு சீருடைப் பணியாளர் தேர்வாணையத்தின் (TNUSRB) - SI மற்றும் PC தேர்வுக்கான நேரடி இலவச பயிற்சி வகுப்புகள் நடைபெற உள்ளது.... 

இது தொடர்பாக மாவட்ட ஆட்சியர் செந்தில் ராஜ் வெளியிட்ட செய்திக் குறிப்பு : தமிழ்நாடு சீருடைப் பணியாளர் தேர்வாணையத்தால் 2023 - 2024-ம் ஆண்டிற்கான பட்ஜெட் கூட்டத்தொடர் காவல்துறை மானியக் கோரிக்கை அறிவிப்பின்படி 615 சார்பு ஆய்வாளர்கள் மற்றும் 2599 இரண்டாம் நிலைக்காவலர் பணியிடங்களுக்கான அறிவிக்கை விரைவில் வெளியிடப்பட உள்ளது. 

தமிழ்நாடு சீருடைப் பணியாளர் தேர்வாணையத்தின் (TNUSRB) - SI & PC பணிக் காலியிடங்களுக்கான தேர்வுகள் குறித்து மேலும் அறிந்து கொள்ள tnusrb.tn.gov.in என்ற இணையதளத்தை பார்வையிடவும். இத்தேர்வுகளுக்குரிய இலவச பயிற்சி வகுப்புகள் தூத்துக்குடி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் 05.05.2023 அன்று பிற்பகல் 2 மணிக்கு தொடங்கப்படவுள்ளது. பயிற்சி வகுப்புகள் திங்கள்கிழமை முதல் சனிக்கிழமை வரை பிற்பகல் 2 மணி முதல் 4 மணி வரை நடைபெறும். மேலும் இப்போட்டித் தேர்வுக்கு தேவையான அனைத்து புத்தகங்களும் மாவட்ட வேலைவாய்ப்பு அலுவலக நூலகத்தில் பராமரிக்கப்பட்டு வருகிறது.

எனவே மேற்குறிப்பிட்டுள்ள போட்டித் தேர்வுக்கு தயாராகவுள்ள தேர்வர்கள் தங்களது வேலைவாய்ப்பு அடையாள அட்டை நகல், பாஸ்போர்ட் அளவு புகைப்படம் ஆகியவற்றுடன் தூத்துக்குடி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தை அலுவலக வேலைநாட்களில் நேரடியாக தொடர்பு கொண்டு இலவச பயிற்சி வகுப்பிற்கு பதிவு செய்து கொள்ளலாம். மேலும் விண்ணப்பதாரர்கள் Thoothukudi Employment Office Telegram channel-ல் பகிரப்பட்டுள்ள Google Forms –ஐ பூர்த்தி செய்தும் இலவச பயிற்சி வகுப்பிற்கு பதிவு செய்யலாம். காவல்துறை பணிகளில் சேர விருப்பமுள்ளவர்கள் இந்த இலவச பயிற்சி வகுப்பில் சேர்ந்து பயன்பெறுமாறு மாவட்ட ஆட்சியர் தெரிவித்துள்ளார்.