ஸ்ரீவைகுண்டத்தில் முறுக்கு வியாபாரி கொலையில் பிளஸ்-1 மாணவர்கள் 3 பேர் கைது!
ஸ்ரீவைகுண்டத்தில் முறுக்கு வியாபாரி கொலையில் பிளஸ்-1 மாணவர்கள் 3 பேர் கைது செய்யப்பட்டனர்.
ஸ்ரீவைகுண்டத்தில் முறுக்கு வியாபாரி கொலையில் பிளஸ்-1 மாணவர்கள் 3 பேர் கைது செய்யப்பட்டனர்.
தூத்துக்குடி மாவட்டம் ஸ்ரீவைகுண்டம் அருகே உள்ள புதுக்குடியை சேர்ந்தவர் செந்தில்நாதன் (43). இவர் ஸ்ரீவைகுண்டம் அரசு பெண்கள் மேல்நிலைப்பள்ளி அருகே முறுக்கு கடை வைத்து வியாபாரம் செய்து வந்தார். நேற்று அங்கு வந்த 3 மர்ம நபர்கள் திடீரென கடைக்குள் புகுந்து அவரை சரமாரியாக அரிவாளால் வெட்டிக்கொலை செய்துவிட்டு தப்பிச் சென்றனர். இந்த கொலை குறித்து அறிந்து ஸ்ரீவைகுண்டம் போலீசார் வழக்குப்பதிவு செய்து விசாரணை நடத்தி வருகின்றனர்.
இந்நிலையில் இந்த கொலை தொடர்பாக 3 மாணவர்களை போலீசார் பிடித்து விசாரணை நடத்தினர். விசாரணையில், கொலை செய்யப்பட்ட செந்தில்நாதனின் மகன், அங்குள்ள அரசு மேல்நிலைப் பள்ளியில் படித்து வருகிறார். இவருக்கும், சக மாணவர்களுக்கும் கடந்த ஆண்டு 10-ம் வகுப்பு படித்தபோது தகராறு ஏற்பட்டு முன்விரோதம் இருந்தது. இதில் செந்தில்நாதன் கொலை செய்யப்பட்டது தெரியவந்தது. இதுதொடர்பாக பிளஸ்-1 மாணவர்கள் 3 பேரை போலீசார் கைது செய்தனர்.
