நாசரேத் மர்காஷிஸ் மேல் நிலைப்பள்ளியில் 75 வது குடியரசு தின விழா

நாசரேத் மர்காஷிஸ் மேல் நிலைப்பள்ளியில் 75 வது குடியரசு தின விழா

நாசரேத் மர்காஷிஸ் மேல் நிலைப்பள்ளியில் 75 வது குடியரசு தின விழா வெகு சிறப்பாக கொண்டாடப்பட்டது. தொழிற்கல்வி ஆசிரியர்  ஜெய்சன் பாபு ஆரம்ப ஜெபம் செய்து நிகழ்ச்சியை தொகுத்து வழங்கினார்.  பள்ளி பாடகர் குழுவினர் சிறப்பு பாடல்கள் பாடினர். பள்ளியின் தாளாளர் சுதாகர் சிறப்பு விருந்தினராகக் கலந்து கொண்டு தேசியக் கொடியினை ஏற்றி வைத்தார். 

தலைமை ஆசிரியர் கென்னடி வேதராஜ் அனைவரையும் வரவேற்றார். பட்டதாரி ஆசிரியை ஜெயந்தி சுபாஷினி குடியரசு தின சிறப்புரை வழங்கினார். ஏழாம் வகுப்பு மாணவர் ஆகாஷ் தமிழிலும், ஒன்பதாவது மாணவர் வேதா வில்வின் ஆங்கிலத்திலும் குடியரசு தினம் குறித்த சிறப்பு சொற்பொழிவு நிகழ்த்தினர்.  தொடர்ந்து இயற்பியல் ஆசிரியர் ஜெர்சோம் ஜெபராஜ் ஏற்பாட்டில் மாணவர்களின் சிலம்பம் மற்றும்  வாள் சுழற்றுதல் நிகழ்ச்சி நடத்தப்பட்டது. உதவி தலைமையாசிரியை சாரா ஞானபாய் நன்றி கூறினார்.

பள்ளியின் நாட்டு நலப்பணித் திட்ட மாணவர்கள். இளையோர் செஞ்சிலுவை சங்க மாணவர்கள்,சாரணர் இயக்க மாணவர்கள், தேசிய மாணவர் படை பிரிவு மாணவர்கள், ஆசிரியர்கள், ஆசிரியைகள்  அலுவலகப் பணியாளர்கள் கலந்து கொண்டனர். நிகழ்ச்சிக்கான ஏற்பாடுகளை உடற்கல்வி இயக்குனர்  பெலின் பாஸ்கர், உடற்கல்வி ஆசிரியர் தனபால்,  தேசிய மாணவர் படை பிரிவு அலுவலர் சுஜித் செல்வ சுந்தர் ஆகியோர் சிறப்பாக  செய்திருந்தனர்.