தூத்துக்குடி அருகே பைக் மீது கார் மோதல்: வாலிபர் பலி!

தூத்துக்குடி அருகே பைக் மீது கார் மோதிய விபத்தில் வாலிபர் பரிதாபமாக உயிரிழந்தார். 

தூத்துக்குடி அருகேயுள்ள தருவைகுளம் அறுபது வீடு காலனியைச் சேர்ந்தவர் சேவியர் மகன் மைக்கேல் ஜெனிகர் (30). இவர் நேற்று தூத்துக்குடிக்கு பைக்கில் சென்று கொண்டிருந்தார். சமத்துவபுரம் அருகே வந்தபோது இவரது பைக் மீது எதிரே வந்த கார் மோதி விபத்துக்குள்ளானது. 

இதில் பலத்த காயம் அடைந்த ஜெனிகரை தூத்துக்குடி அரசு மருத்துவமனைக்கு கொண்டு செல்லும் வழியில் உயிரிழந்தார். சம்பவம் குறித்து தருவைகுளம் போலீஸ் இன்ஸ்பெக்டர் (பொ) விஜயலட்சுமி வழக்குப் பதிந்து காரை ஓட்டி வந்த வடக்கு கோவங்காட்டைச் சேர்ந்த சுந்தர் ராஜ் மகன் வெங்கடேஷ் (25) என்பவரை கைது செய்து விசாரணை நடத்தி வருகிறார்.