கத்தியால் தாக்கி கொலை முயற்சி: ரவுடி உட்பட 4 பேர் கைது!
கத்தியால் தாக்கி கொலை முயற்சி: ரவுடி உட்பட 4 பேர் கைது!
தூத்துக்குடியில் தகராறு செய்து கத்தியால் தாக்கி கொலை முயற்சியில் ஈடுபட்ட ரவுடி உட்பட 4 பேர் கைது செய்யப்பட்டனர்.
தூத்துக்குடியில் மீளவிட்டான் பகுதியைச் சேர்ந்த செல்வராஜ் மகன் தங்கமாரியப்பன் (32) என்பவர் நேற்று மீளவிட்டான் நடுத்தெரு பகுதியில் வந்து கொண்டிருந்த போது அங்கு மதுஅருந்தி கொண்டிருந்த மீளவிட்டான் பகுதியைச் சேர்ந்தவர்களான முத்துப்பாண்டி மகன் பாலசிங் (42), ஜெகநாதன் மகன்கள் ஜெகதீஷ் (22), ஜெபஸ்டின் (23) மற்றும் முத்துராஜ் மகன் கௌதம் (25) ஆகியோர் தங்கமாரியப்பனிடம் தகராறு செய்து கத்தியால் தாக்கி கொலை முயற்சியில் ஈடுபட்டுள்ளனர்.
இதுகுறித்து தங்கமாரியப்பன் இன்று அளித்த புகாரின் பேரில் சிப்காட் காவல் நிலைய ஆய்வாளர் சண்முகம் வழக்குபதிவு செய்து விசாரணை மேற்கொண்டு பாலசிங், ஜெகதீஷ், ஜெபஸ்டின் மற்றும் கௌதம் ஆகிய 4 பேரையும் கைது செய்தார். கைதுசெய்யப்பட்ட பாலசிங் மீது ஏற்கனவே சிப்காட் காவல் நிலையத்தில் 2 வழக்குகளும், தூத்துக்குடி மத்தியபாகம் காவல் நிலையத்தில் ஒரு கொலை வழக்கும் உள்ளது குறிப்பிடத்தக்கது.
