தூத்துக்குடி தொகுதி திமுக வேட்பாளர் கனிமொழி கருணாநிதி வாகனத்தில் தேர்தல் பறக்கும் படையினர் சோதனை
தூத்துக்குடி நாடாளுமன்றத் தொகுதி இந்தியா கூட்டணி திமுக வேட்பாளர் கனிமொழி கருணாநிதி 11/04/2024 ஓட்டப்பிடாரம் சட்டமன்றத் தொகுதிக்கு உட்பட்ட பகுதிகளில் தேர்தல் பரப்புரை மேற்கொண்டார். இந்த நிலையில், தூத்துக்குடி மாவட்டத்தில் உள்ள வாகைக்குளம் ஊராட்சியில் கனிமொழியின் பிரச்சார வாகனத்தைத் தேர்தல் பறக்கும் படை அதிகாரிகள் சோதனை நடத்தினர்.
சோதனைக்குக் கனிமொழி முழுமையாக ஒத்துழைத்தார். அவரது பிரச்சார வாகனத்தில் பணமோ, பொருட்களோ எதுவும் இல்லை. தீவிர சோதனைக்குப் பிறகு பிரச்சாரத்திற்குப் புறப்பட்டுச் சென்றார்.
