தூத்துக்குடியில் டூவிலர் ஸ்பேர் பார்ட்ஸ் கடையில் தீவிபத்து: 50 லட்சம் மதிப்புள்ள பொருட்கள் சேதம்!
தூத்துக்குடியில் டூவிலர் ஸ்பேர் பார்ட்ஸ் கடையில் தீவிபத்து: 50 லட்சம் மதிப்புள்ள பொருட்கள் சேதம்!
தூத்துக்குடியில் டூவிலர் ஸ்பேர் பார்ட்ஸ் கடையில் ஏற்பட்ட தீவிபத்தில் ரூ.50 லட்சம் மதிப்புள்ள பொருட்கள் எரிந்து சேதம் ஆனது.
தூத்துக்குடி டூவிபுரம் 2வது தெருவைச் சேர்ந்த ராம்தேவ் என்பவர், தெற்கு காட்டன் ரோட்டில் பழைய மாநகராட்சி அலுவலகம் எதிரில் டூவீலர் ஸ்பேர் பார்ட்ஸ் கடை நடத்தி வருகிறார். 3 தளங்கள் உள்ள இந்த கடையில் இன்று காலை திடீரென தீவிபத்து ஏற்பட்டுள்ளது. இதுகுறித்து தூத்துக்குடி தீயணைப்பு நிலையத்திற்கு தகவல் தெரிவிக்கப்பட்டது.
உடனடியாக தூத்துக்குடி தீயணைப்பு அலுவலர் நட்டார் ஆனந்தி, உதவி அலுவலர் ராஜு மற்றும் தீயணைப்பு வீரர்கள் சம்பவ இடத்திற்கு சென்று சுமார் 2 மணி நேரம் போராடி தீயை அணைத்தனர். இந்த தீவிபத்தில் சுமார் 50 லட்சம் மதிப்பிலான பொருட்கள் எரிந்து சேதமானதாக கூறப்படுகிறது. இந்த சம்பவம் குறித்து மத்திய பாகம் காவல் நிலைய போலீஸ் இன்ஸ்பெக்டர் ஐயப்பன் வழக்கு பதிவு செய்து விசாரணை நடத்தி வருகிறார். தூத்துக்குடியில் பிரதான சாலையில் உள்ள கடையில் ஏற்பட்ட தீவிபத்தால் அப்பகுதியில் பெரும் பரபரப்பு ஏற்பட்டது.
