சிவந்தாகுளத்தில் கஞ்சா வேட்டை: 5 இளைஞர்கள் கைது – 5.5 கிலோ கஞ்சா, 2 இருசக்கர வாகனங்கள் பறிமுதல்!

தூத்துக்குடி: தூத்துக்குடி சிவந்தாகுளம் பகுதியில் சட்டவிரோதமாக கஞ்சா விற்பனை செய்வதற்காக கஞ்சா பதுக்கி வைத்திருந்ததாகக் கூறப்படும் 5 இளைஞர்களை மதுவிலக்கு அமலாக்கப் பிரிவு போலீசார் கைது செய்தனர்.

சிவந்தாகுளம் பகுதியில் கஞ்சா விற்பனை நடைபெறுவதாக கிடைத்த ரகசிய தகவலின் அடிப்படையில், மதுவிலக்கு அமலாக்கப் பிரிவு காவல் ஆய்வாளர் மேரி ஜெமிதா தலைமையிலான போலீசார் அப்பகுதியில் தீவிர சோதனையில் ஈடுபட்டனர்.

அப்போது, சட்டவிரோத விற்பனைக்காக கஞ்சா வைத்திருந்ததாகக் கூறப்படும் லூர்தம்மாள்புரத்தைச் சேர்ந்த வேல்முருகன் மகன் சங்கர் (20), சங்கரப்பேரியைச் சேர்ந்த கனிஅரசன் மகன் வெங்கடேஷ் (23), பிரையன்ட் நகரைச் சேர்ந்த செந்தில் மகன் காளிதாஸ் (22), சிவக்குமார் மகன் முத்துமாதவன் (19), வள்ளிநாயகபுரத்தைச் சேர்ந்த மாரிமுத்து மகன் சுடலை செல்வம் (20) ஆகிய 5 பேரை போலீசார் கைது செய்தனர்.

கைது செய்யப்பட்டவர்களிடமிருந்து மொத்தம் 5 கிலோ 500 கிராம் கஞ்சா மற்றும் 2 இருசக்கர வாகனங்கள் பறிமுதல் செய்யப்பட்டதாக போலீசார் தெரிவித்துள்ளனர்.

சிவந்தாகுளம் பகுதியில் கஞ்சா விற்பனை தொடர்பாக கிடைத்த ரகசிய தகவலின் அடிப்படையில் மேற்கொள்ளப்பட்ட இந்த நடவடிக்கை, அப்பகுதியில் பரபரப்பை ஏற்படுத்தியுள்ளது.

கஞ்சா உள்ளிட்ட போதைப்பொருட்களின் சட்டவிரோத விற்பனை மற்றும் பயன்பாட்டைத் தடுக்க போலீசார் தொடர்ந்து தீவிர நடவடிக்கைகளை மேற்கொண்டு வருகின்றனர்.