நீரினைப் பயன்படுத்துவோர் சங்கத்திற்கான தேர்தல் : ஆட்சியர் தகவல்!

தூத்துக்குடி மாவட்டம், தாமிரபரணி வடிநில கால்வாய் மற்றும் குளங்கள் நீரினைப் பயன்படுத்துவோர் சங்கங்களின் (WRCP) தலைவர்கள் மற்றும் ஆட்சி மண்டலத் தொகுதி உறுப்பினர்களுக்கான தேர்தல் வருகின்ற 05.03.2023 அன்று நடைபெற உள்ளதாக மாவட்ட ஆட்சியர் அவர்களால் அறிவிக்கப்பட்டுள்ளது.

Feb 18, 2023 - 09:59
0 141
நீரினைப் பயன்படுத்துவோர் சங்கத்திற்கான தேர்தல் : ஆட்சியர் தகவல்!

தாமிரபரணி வடிநில கால்வாய் மற்றும் குளங்கள் நீரினைப் பயன்படுத்துவோர் சங்கங்களின் (WRCP) தலைவர்கள் மற்றும் ஆட்சி மண்டலத் தொகுதி உறுப்பினர்களுக்கான தேர்தல் வருகிற மார்ச் 5ம் தேதி நடைபெறுகிறது.

இது தொடர்பாக மாவட்ட ஆட்சியர் செந்தில்ராஜ் வெளியிட்ட செய்திக்குறிப்பு: தூத்துக்குடி மாவட்டம், தாமிரபரணி வடிநில கால்வாய் மற்றும் குளங்கள் நீரினைப் பயன்படுத்துவோர் சங்கங்களின் (WRCP) தலைவர்கள் மற்றும் ஆட்சி மண்டலத் தொகுதி உறுப்பினர்களுக்கான தேர்தல் வருகின்ற 05.03.2023 அன்று நடைபெற உள்ளதாக மாவட்ட ஆட்சியர் அவர்களால் அறிவிக்கப்பட்டுள்ளது.  நீரினைப் பயன்படுத்துவோர் சங்கங்களின் தலைவர்கள் மற்றும் ஆட்சி மண்டலத் தொகுதி உறுப்பினர்கள் ஆகிய பதவிகளுக்கு போட்டியிட விரும்பும் வேட்பாளர்களிடம் இருந்து 22.02.2023 முதல் 24.02.2023 வரை (காலை 09.00 மணியில் இருந்து 04.00 மணி வரை) சம்பந்தப்பட்ட தேர்தல் நடத்தும் அலுவலரால் வேட்பு மனுக்கள் பெறப்படும். பெறப்பட்ட வேட்பு மனுக்கள் 25.02.2023 அன்று காலை 09.00 மணி முதல் பிற்பகல் 02.00 மணி வரை கூர்ந்தாய்வு செய்து, ஏற்கத்தக்க வேட்பு மனுக்களை சம்பந்தப்பட்ட தேர்தல் அலுவலரால் வெளியிடப்படும். போட்டியில் இருந்து விலகி கொள்ள விரும்பும் வேட்பாளர்கள் தங்களது வேட்பு மனுக்களை 25.02.2023 பிற்பகல் 02.00 மணி முதல் மாலை 04.00 மணி வரை திரும்ப பெற்றுக் கொள்ளலாம்.

போட்டியிடும் வேட்பாளர்களின் இறுதிப்பட்டியலை சம்பந்தப்பட்ட தேர்தல் நடத்தும் அலுவலர் 25.02.2023 மாலை 05.00 மணிக்கு மேல் அறிவிப்பார். நீரினைப் பயன்படுத்துவோர் சங்கங்களின் தலைவர்கள் மற்றும் ஆட்சி மண்டலத் தொகுதி உறுப்பினர்களுக்கான தேர்தல் வாக்குப்பதிவு 05.03.2023 அன்று காலை 07.00 மணி முதல் பிற்பகல் 02.00 மணி வரை நடைபெறும். பதிவு செய்யப்பட்ட வாக்குகள் 05.03.2023 அன்று மாலை 04.00 மணி முதல் எண்ணத் தொடங்கி முடிவுகள் சம்பந்தப்பட்ட தேர்தல் நடத்தும் அலுவலரால் அறிவிக்கப்பட்டு சான்றிதழ் வழங்கப்படும்.

தூத்துக்குடி மாவட்டம், தாமிரபரணி வடிநில கால்வாய் மற்றும் குளங்கள் நீரினைப் பயன்படுத்துவோர் சங்கங்களின் தலைவர்கள் மற்றும் ஆட்சி மண்டலத் தொகுதி உறுப்பினர் பதவிகளுக்கான வேட்பு மனுக்கள் தேர்தல் நடத்தும் அலுவலர் மற்றும் வருவாய் கோட்டாட்சியர், , திருச்செந்தூர் மற்றும் தூத்துக்குடி சார் ஆட்சியர் அவர்களால் திருச்செந்தூர் கோட்டாட்சியர் அலுவலகம் மற்றும் தூத்துக்குடி சார் ஆட்சியர் அலுவலகத்தில் பெற்றுக்கொள்ளப்படும் என்ற விபரம் தெரிவிக்கப்படுகிறது.

Tags: