சாத்தான்குளத்தில் தாய்-மகன் திடீர் மாயம்: போலீஸ் விசாரணை!

சாத்தான்குளத்தில் 3 வயது மகனுடன் தாய் காணாமல் போனது குறித்து போலீசார் விசாரணை நடத்தி வருகின்றனர். 

தூத்துக்குடி மாவட்டம் சாத்தான்குளம் அருகே உள்ள வேலவன் புதுக்குளம் கிராமத்தைச் சேர்ந்தவர் சேனாதிபதி மனைவி பார்வதி (26). இந்த தம்பதிகளுக்கு மகாராஜன் என்ற 3 வயது மகன் உள்ளான். கடந்த 22 ஆம் தேதி பார்வதி மகனுடன் வீட்டை விட்டு வெளியே சென்றுவிட்டார். பின்னர் வீடு திரும்பவில்லை. அவர்கள் எங்கு சென்றனர் என்ற தகவல் தெரியவில்லை. இதுகுறித்து அவரது கணவர் சாத்தான்குளம் காவல் நிலையத்தில் அளித்த புகாரின் பேரில் இன்ஸ்பெக்டர் முத்து வழக்குப் பதிந்து விசாரணை நடத்தி வருகிறார்.