தூத்துக்குடியில் வெவ்வேறு சம்பவங்களில் பெண்கள் மீது கொலை வெறி தாக்குதல் :ஒருவர் பலி மற்றொருவர் கவலைக்கிடம்!
தூத்துக்குடி மாவட்டத்தில் வெவ்வேறு சம்பவங்களில் பெண்கள் மீது கொலை வெறி தாக்குதல் செய்யபட்ட சம்பவம் பெரும் பரபரப்பை ஏர்படுத்தியுள்ளது.
தூத்துக்குடி மாவட்டத்தில் வெவ்வேறு சம்பவங்களில் பெண்கள் மீது கொலை வெறி தாக்குதல் செய்யபட்ட சம்பவம் பெரும் பரபரப்பை ஏர்படுத்தியுள்ளது.
தூத்துக்குடி மாவட்டம் கோவில்பட்டி அருகே உள்ள வானரமுட்டி கிராமத்தைச் சேர்ந்த ஆட்டோ டிரைவர் சண்முகராஜ் (33), இவர் நேற்றிரவு தனது ஆட்டோவில் கட்டாலங்குளத்தை சேர்ந்த மணிகண்டன் என்பவரது மனைவி வெள்ளைத்துரைச்சி(30) என்பரை வானரமுட்டியில் இருந்து கட்டாலங்குளத்திற்கு சவாரி ஏற்றிச் சென்றுள்ளார். வானரமுட்டி - கட்டராங்குளம் இடையே காளம்பட்டி அருகே காட்டுப்பகுதியில் ஆட்டோ சென்று கொண்டிருந்த போது மர்ம நபர்கள் ஆட்டோவை வழிமறித்து ஆட்டோவில் இருந்த பெண்ணை வெட்டி படுகொலை செய்ததாக கூறப்படுகிறது.
இதனை தடுக்க முயன்ற ஆட்டோ டிரைவர் சண்முகராஜை அந்த கும்பல் தலையில் தாக்கியதில் மயக்கம் அடைந்ததாக தெரிகிறது. மயக்கம் தெளிந்த பிறகு ஆட்டோ டிரைவர் காவல் துறைக்கு தகவல் கொடுத்துள்ளார். இதையடுத்து போலீசார் சம்பவ இடத்திற்கு சென்று காயமடைந்த ஆட்டோ டிரைவரை மீட்டு சிகிச்சைக்காக கோவில்பட்டி அரசு மருத்துவமனையில் அனுமதித்துள்ளனர். மேலும் வெட்டி படுகொலை செய்யப்பட்ட பெண்ணின் உடலை கைப்பற்றி நாலாட்டின்புதூர் போலீசார் விசாரணை நடத்தி வருகின்றனர்.
மற்றோரு சம்பவம்
தூத்துக்குடி அருகே குடும்பத் தகராறில் மனைவியை அரிவாளால் சரமாரியாக வெட்டிய கணவரை போலீசார் தேடி வருகின்றனர்.
இதுகுறித்து போலீஸ் தரப்பில் கூறப்படுவதாவது: தூத்துக்குடி மாவட்டம், குளத்தூர் அருகே உள்ள தெற்கு பனையூர், பத்ரகாளி அம்மன் கோவில் தெருவைச் சேர்ந்தவர் தமிழ்ச்செல்வன் (27), இவரது மனைவி ராஜலக்ஷ்மி (23). கணவன் மனைவிக்குள் ஏற்பட்ட குடும்பத் தகராறில் ஆத்திரமடைந்த தமிழ்ச்செல்வன், ராஜலட்சுமியை அரிவாளால் சரமாரியாக வெட்டினாராம்.
இதில் பலத்த காயமடைந்த ராஜலட்சுமியின் தூத்துக்குடி அரசு மருத்துவமனையில் அனுமதிக்கப்பட்டுள்ளார். அவரது நிலைமை கவலைக்கிடமாக உள்ளது. இந்த சம்பவம் குறித்து ராஜலட்சுமி அண்ணன் ராஜகுரு (32) என்பவர் அளித்த புகாரின் பேரில் குளத்தூர் காவல் நிலைய இன்ஸ்பெக்டர் விஜயலட்சுமி வழக்குப் பதிந்து விசாரணை நடத்தி வருகிறார். தலைமறைவாக உள்ள தமிழ்ச்செல்வனை போலீசார் தேடி வருகின்றனர்.
