தூத்துக்குடியில் ரயில் மோதி மூதாட்டி பலி: போலீஸ் விசாரணை!
தூத்துக்குடியில் ரயில் மோதி மூதாட்டி பலி: போலீஸ் விசாரணை!
தூத்துக்குடியில் தண்டவாளத்தை கடக்க முயன்றபோது ரயில் மோதி மூதாட்டி ஒருவர் பரிதாபமாக உயிரிழந்தார்.
தூத்துக்குடி அண்ணா நகர் மேற்கு 12 வது தெருவைச் சேர்ந்தவர் முத்தையா மனைவி முத்துலட்சுமி (70). இவர் சில வருடங்களுக்கு முன்னால் தான் தங்கி இருந்த ராஜகோபால் நகர் பகுதிக்கு அடிக்கடி சென்று தனது உறவினர்களை பார்த்து வருவதற்காக செல்வார். அதுபோல் இன்று காலை செல்லும் தண்டவாளத்தை கடக்கும்போது மீளவிட்டான் ரயில் நிலையம் அருகே தூத்துக்குடி ரயில் நிலையத்திலிருந்து மணியாச்சி நோக்கி சென்ற சிறப்பு பயணியர் விரைவு ரயிலில் அடிபட்டு படுகாயம் அடைந்தார்.
இதையடுத்து அவர் பொதுமக்கள் உதவியுடன் 108 ஆம்புலன்ஸ் மூலமாக தூத்துக்குடி அரசு மருத்துவக் கல்லூரி மருத்துவமனைக்கு கொண்டு செல்லப்பட்டார். ஆனால் இன்று பிற்பகலில் அவர் சிகிச்சை பலனின்றி உயிரிழந்தார். இந்த சம்பவம் குறித்து முத்துலட்சுமியின் மகன் கொடுத்த புகார் மனுவின் அடிப்படையில் தூத்துக்குடி இருப்பு பாதை காவல் நிலைய உதவி ஆய்வாளர் மகாகிருஷ்ணன் வழக்குப் பதிந்து விசாரணை செய்து வருகிறார்.
