தூத்துக்குடியில் செய்வினை வைத்ததாக கருதி பிளம்பர் அடித்துக் கொலை: நண்பர் கைது!!
தூத்துக்குடியில் செய்வினை வைத்ததாக கருதி பிளம்பரை உருட்டுக்கட்டையால் அடித்துக் கொலை செய்யதது தொடர்பாக அவரது நண்பரை போலீசார் கைது செய்தனர்.
தூத்துக்குடியில் செய்வினை வைத்ததாக கருதி பிளம்பரை உருட்டுக்கட்டையால் அடித்துக் கொலை செய்யதது தொடர்பாக அவரது நண்பரை போலீசார் கைது செய்தனர்.
தூத்துக்குடி அருகே உள்ள புதுக்கோட்டை அய்யனார் காலனியை சேர்ந்தவர் சண்முகம். இவருடைய மகன் மகராஜன் (வயது 45). இவர் பிளம்பிங் வேலைக்கு செய்து வருகிறார். தூத்துக்குடி ராஜீவ்நகர் 10-வது தெருவை சேர்ந்தவர் மாரிமுத்து (வயது 46). இவர்கள் இருவரும் நண்பர்கள். டிரைவரான மாரிமுத்து கடந்த சில ஆண்டுகளுக்கு முன்பு லோடு ஆட்டோ ஓட்டி வந்தார். இதில் அவருக்கு நஷ்டம் ஏற்பட்டு அவரது மனைவியும் பிரிந்து சென்று விட்டாராம். மாரிமுத்து தனது நண்பர் மகராஜன் தனக்கு செய்வினை வைத்து விட்ட காரணத்தினால் தான் கஷ்டமான சூழலுக்கு தான் தள்ளப்பட்டு விட்டதாகவும் கருதியுள்ளார்.
இந்நிலையில் நேற்று மாலை அவர்கள் இருவரும் தூத்துக்குடியில் உள்ள டாஸ்மாக் கடையில் மது குடித்துள்ளனர். பின்னர் மகராஜன் தூத்துக்குடி- பாளையங்கோட்டை ரோட்டில் உள்ள மையவாடிக்கு சென்று அங்குள்ள ஒரு கொட்டகைக்குள் படுத்துள்ளார். சிறிது நேரம் கழித்து மாரிமுத்து அங்கு சென்றுள்ளார். அப்போது அவர்களுக்குள் வாக்குவாதம் ஏற்பட்டது. இதில் ஆத்திரம் அடைந்த மாரிமுத்து, அந்த பகுதியில் கிடந்த உருட்டுக்கட்டையை எடுத்து மகராஜனை சரமாரியாக தாக்கியதாக கூறப்படுகிறது. பலத்த காயமடைந்த மகராஜன் ரத்த வெள்ளத்தில் சம்பவ இடத்திலேயே பரிதாபமாக இறந்தார்.
இது தொடர்பாக தகவல் அறிந்த தூத்துக்குடி தென்பாகம் போலீசார் சம்பவ இடத்துக்கு சென்று அவரது உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் வழக்குப்பதிவு செய்து மாரிமுத்துவை கைது செய்து விசாரணை நடத்தி வருகின்றனர்.
Also Read... தூத்துக்குடி மாவட்ட குழந்தைகள் பாதுகாப்பு அலகில் ரூ.10 ஆயிரம் சம்பளத்தில் பணியிடம் : ஜன.31 கடைசி நாள்!!
இந்த சம்பவம் குறித்து தகவல் அறிந்த தென்பாகம் காவல் நிலைய இன்ஸ்பெக்டர் (பொறுப்பு) மூக்கன், சப் இன்ஸ்பெக்டர்கள் சிவக்குமார், கெங்கைநாத பாண்டியன் மற்றும் போலீசார் சம்பவ இடத்துக்கு விரைந்து சென்று மகாராஜா உடலை கைப்பற்றி பிரேத பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தனர்.
மேலும் இது சம்பந்தமாக வழக்கு பதிவு செய்து மாரிமுத்துவை கைது செய்து விசாரணை நடத்தி வருகிறார்கள். சம்பவ இடத்தை தூத்துக்குடி டவுன் டிஎஸ்பி சத்யராஜ் பார்வையிட்டார். தனக்கு செய்வினை வைத்து விட்டதாக கருதி பிளம்பரை அவரது நண்பரே அடித்துக் கொலை செய்த சம்பவம் அப்பகுதியில் பெரும் பரபரப்பை ஏற்படுத்தி உள்ளது.
+++++++++++++++++++++++++++++++
தூத்துக்குடி மாவட்ட உள்ளூர் செய்திகள் முதல் உலகம் வரை இன்றைய முக்கிய செய்திகள் (Top Tamil News, Breaking News, Thoothukudi news,), அண்மைச் செய்திகள் (Latest Tamil News), அனைத்தையும் டூட்டி விஷன் நியூஸ் (www.tutyvision.com) இணையதளத்தில் உடனுக்குடன் அறியலாம்.
Whatsapp Group: Click Here...
