மின் கோபுரத்தில் தூக்குபோட்டு வாலிபர் தற்கொலை
தூத்துக்குடி அருகே காற்றாலை மின் கோபுரத்தில் தூக்குபோட்டு வாலிபர் தற்கொலை செய்து கொண்டார்.
தூத்துக்குடி மாவட்டம், புதியம்பத்தூர் அருகேயுள்ள புளியமரத்து அரசடி, பிள்ளையார் கோவில் தெருவை சேர்ந்தவர் ஐயப்பசாமி இவரது மகன் முத்து செல்வம் (19). இவர் ரேஸ் குதிரை வண்டி ஓட்டும் தொழில் செய்து வந்தார். இவர் நேற்று இரவு குடிபோதையில் வீட்டுக்கு வந்தாராம். இதனால் அவரது தந்தை திட்டினாராம்.
இதில் மனவேதனையடைந்த முத்துச்செல்வம் அங்குள்ள காற்றாலை டவர் மீது ஏறி தூக்குபோட்டு தற்கொலை செய்து கொண்டார். இந்த சம்பவம் குறித்து தகவல் அறிந்து புதியம்புத்தூர் காவல் நிலைய இன்ஸ்பெக்டர் (பொறுப்பு) சண்முகம் மற்றும் போலீசார் சம்பவ இடத்திற்கு சென்று அவரது உடலை மீட்டு பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தனர். மேலும் சம்பவம் தொடர்பாக வழக்குப் பதிந்து விசாரணை நடத்தி வருகின்றனர்.
