விளாத்திகுளம் அருகே பரோட்டா கடையில் ஏற்பட்ட தகராறில் கம்பால் தாக்கி கொலை மிரட்டல் விடுத்தவர் கைது!
விளாத்திகுளம் அருகே தகராறு செய்து அவரை கம்பால் தாக்கி கொலை மிரட்டல் விடுத்தவரை போலீசார் கைது செய்தனர்.
தூத்துக்குடி மாவட்டம் விளாத்திகுளம் பூசனூர் பகுதியைச் சேர்ந்த கணபதி மகன் பொன்ராஜ் (39) என்பவர் கடந்த 22.06.2024 அன்று விளாத்திகுளம் கே. சுப்பிரமணியபுரம் பகுதியில் உள்ள ஒரு ஹோட்டலில் பரோட்டா வாங்குவதற்காக சென்றுள்ளார். அப்போது அங்கு மது போதையில் இருந்த விளாத்திகுளம் புளியங்குளம் பகுதியைச் சேர்ந்த வேல்முருகன் மகன் பொன்கருப்பசாமி (எ) தங்கபாண்டி (26) என்பவருக்கும், பொன்ராஜ்க்கும் இடையே வாக்குவாதம் ஏற்பட்டுள்ளது.
இதில் ஆத்திரமடைந்த பொன் கருப்பசாமி (எ) தங்கப்பாண்டி மேற்படி பொன்ராஜிடம் தகராறு செய்து அவரை கம்பால் தாக்கி கொலை மிரட்டல் விடுத்துள்ளார். இதுகுறித்து பொன்ராஜ் அளித்த புகாரின் பேரில் விளாத்திகுளம் காவல் நிலைய சார்பு ஆய்வாளர் துரைசாமி வழக்குப்பதிவு செய்து பொன்கருப்பசாமி (எ) தங்கபாண்டியை கைது செய்தார். மேலும் இதுகுறித்து விளாத்திகுளம் காவல் நிலைய போலீசார் விசாரணை மேற்கொண்டு வருகின்றனர்.
----------------------------------------------------------------
உள்ளூர் முதல் உலக செய்திகள் வரை தெரிந்துகொள்ள...
WHATSAPP GROUP LINK 1 :- CLICK HERE
WHATSAPP GROUP LINK 2 :- CLICK HERE
