தூத்துக்குடியில் வாலிபர் கொடூர கொலை: போலீஸ் விசாரணை!
தூத்துக்குடியில் வாலிபரை கொலை, உடலை சரக்கு வாகனத்தில் ஏற்றி சாலையில் வீசிச் சென்ற சம்பவம் பெரும் பரபரப்பை ஏற்படுத்தி உள்ளது.
தூத்துக்குடியில் வாலிபரை கொலை, உடலை சரக்கு வாகனத்தில் ஏற்றி சாலையில் வீசிச் சென்ற சம்பவம் பெரும் பரபரப்பை ஏற்படுத்தி உள்ளது.
தினசரி அப்டேட்களை பெற இப்போதே டவுன்லோடு செய்யுங்கள்.... https://play.google.com/store/apps/details?id=com.maac.tutyvision
தூத்துக்குடி சங்கரப்பேரியிலிருந்து ஜோதி நகர் செல்லும் ரோட்டில் ரத்தக் காயங்களுடன் ஒரு ஆண் சடலம் கிடப்பதாக சிப்காட் காவல் நிலையத்துக்கு தகவல் கிடைத்தது. அதன் பேரில் இன்ஸ்பெக்டர் சண்முகம் மற்றும் போலீசார் சம்பவ இடத்திற்கு சென்று விசாரணை நடத்தினர். இறந்து கிடந்தவருக்கு சுமார் 35 வயது இருக்கும். அவரது முகத்தில் ரத்தக் காயங்கள் இருந்தது. இதனால் அவர் கட்டையால் தாக்கி கொடூரமாக கொலை செய்யப்பட்டார் எனத் தெரிகிறது.
மேலும் அவரை எங்கேயோ வைத்து கொலை செய்துவிட்டு, வாகனத்தில் ஏற்றிவந்து சடலத்தை இங்கே போட்டு சென்று உள்ளனர் என்று தெரியவந்தது. அவர் யார் எந்த ஊரை சேர்ந்தவர்? எதற்காக கொலை செய்யப்பட்டார்? என்பது குறித்து போலீசார் வழக்கு பதிவு செய்து விசாரணை நடத்தி வருகிறார்கள். மேலும் அவரது பிரேதத்தை பரிசோதனைக்காக தூத்துக்குடி அரசு மருத்துவமனைக்கு அனுப்பி அனுப்பி வைத்தனர்.
போலீசாரின் முதற்கட்ட விசாரணையில் இறந்தவர் தூத்துக்குடி சக்தி விநாயகர் புரத்தில் உள்ள தனியார் லாரி டிராண்ஸ்போர்ட் நிறுவனத்தில் லாரி டிரைவராக பணி புரிந்து வருவது தெரியவந்துள்ளது.
