முதல்வர் விஜய்க்கு எதிராக மிரட்டல் விடுத்ததாக தொடரப்பட்ட வழக்கு: விளாத்திகுளம் எம்.எல்.ஏ. மார்க்கண்டேயனுக்கு நிபந்தனை ஜாமீன் வழங்கிய சென்னை உயர்நீதிமன்றம்!

தமிழக முதலமைச்சர் விஜய்க்கு எதிராக மிரட்டல் விடுக்கும் வகையில் பேசியதாக தொடரப்பட்ட வழக்கில் கைது செய்யப்பட்டுள்ள, விளாத்திகுளம் தொகுதி திமுக சட்டமன்ற உறுப்பினர் மார்க்கண்டேயனுக்கு சென்னை உயர்நீதிமன்றம் நிபந்தனை ஜாமீன் வழங்கியுள்ளது.

இந்த வழக்கு தொடர்பாக கைது செய்யப்பட்டிருந்த மார்க்கண்டேயன், ஜாமீன் கோரி சென்னை உயர்நீதிமன்றத்தில் மனு தாக்கல் செய்திருந்தார். அந்த மனுவை விசாரித்த நீதிமன்றம், குறிப்பிட்ட நிபந்தனைகளுடன் அவருக்கு ஜாமீன் வழங்க உத்தரவிட்டது.

நீதிமன்றம் விதித்துள்ள முக்கிய நிபந்தனைகளில் ஒன்றாக, மார்க்கண்டேயன் தினமும் தூத்துக்குடி மாவட்ட காவல்துறையினரிடம் நேரில் ஆஜராகி கையெழுத்திட வேண்டும் என்று உத்தரவிடப்பட்டுள்ளது. மேலும், விசாரணைக்கு முழு ஒத்துழைப்பு வழங்க வேண்டும் என்றும், சாட்சிகளை கலைக்கவோ அல்லது விசாரணையில் எந்தவித இடையூறும் ஏற்படுத்தக்கூடாது என்றும் நீதிமன்றம் அறிவுறுத்தியுள்ளது.

முன்னதாக, முதலமைச்சர் விஜய்க்கு எதிராக மிரட்டல் விடுக்கும் வகையில் பேசியதாக கூறி, மார்க்கண்டேயன் மீது காவல்துறை வழக்குப்பதிவு செய்து கைது செய்யப்பட்டு சிறையில் அடைக்கப்பட்டிருந்தார். இந்த வழக்கு அரசியல் வட்டாரங்களில் பரபரப்பை ஏற்படுத்தியிருந்த நிலையில், தற்போது சென்னை உயர்நீதிமன்றம் நிபந்தனை ஜாமீன் வழங்கியுள்ளது.

இந்த உத்தரவைத் தொடர்ந்து, நீதிமன்றம் விதித்துள்ள அனைத்து நிபந்தனைகளையும் பின்பற்றி மார்க்கண்டேயன் விடுதலை பெற உள்ளார்.

இந்த வழக்கின் விசாரணை தொடர்ந்து நடைபெற்று வருகிறது.