அரசு வேலை வாங்கி தருவதாக ரூ.1¼ கோடி பணம் மோசடி : விளாத்திகுளம், புதூர் மாணவர் விடுதி காப்பாளர் கைது!

தூத்துக்குடி, நெல்லை உட்பட பல மாவட்டங்களில் அரசு வேலை வாங்கி தருவதாக கூறி ரூ.1¼ கோடிக்கு மேல் பணம் மோசடி செய்த அரசு மாணவர் விடுதி காப்பாளரை போலீசார் கைது செய்தனர்.

Mar 14, 2023 - 16:41 Updated: Mar 14, 2023 - 17:43
0 543
அரசு வேலை வாங்கி தருவதாக ரூ.1¼ கோடி பணம் மோசடி : விளாத்திகுளம், புதூர் மாணவர் விடுதி காப்பாளர் கைது!

தூத்துக்குடி, நெல்லை உட்பட பல மாவட்டங்களில் அரசு வேலை வாங்கி தருவதாக கூறி ரூ.1¼ கோடிக்கு மேல் பணம் மோசடி செய்த அரசு மாணவர் விடுதி காப்பாளரை போலீசார் கைது செய்தனர்.  

தென்காசி மாவட்டம், சின்ன வாகைக்குளம் பகுதியை சேர்ந்த பால்சாமி மகன் அலெக்சாண்டர் (37) என்பவர் தூத்துக்குடி மாவட்டம் விளாத்திகுளம் புதூரில் உள்ள ஆதி திராவிடர் அரசு மாணவர் விடுதியில் காப்பாளராக பணிபுரிந்து வருகிறார். இவர் கள்ளக்குறிச்சி மாவட்டம் அந்தியூர் பகுதியை சேர்ந்த விஜயன் மகன் அன்பு (31) மற்றும் அவரது நண்பரான வினோத் ஆகிய இருவரிடமும் அறிமுகமாகி  அரசு வேலை வாங்கி தருவதாக ஆசை வார்த்தைகள் கூறி நம்பிக்கை ஏற்படுத்தி அவர்களிடமிருந்து மொத்தம் ரூ.11,28,500/- பணத்தை பெற்று கொண்டு மோசடி செய்துள்ளார். 

இதுகுறித்து அன்பு மாவட்ட காவல் கண்காணிப்பாளரிடம் புகார் அளித்துள்ளார்.  இது தொடர்பாக மாவட்ட காவல் கண்காணிப்பாளர் எல். பாலாஜி சரவணன் உத்தரவின் பேரில், மாவட்ட குற்றப்பிரிவு காவல் துணை கண்காணிப்பாளர் ஜெயராம் மேற்பார்வையில் மாவட்ட குற்றப்பிரிவு காவல் ஆய்வாளர் அந்தோணியம்மாள் தலைமையில் உதவி ஆய்வாளர் நிவேதா, சிறப்பு உதவி ஆய்வாளர்கள் சண்முகசுந்தரம் மற்றும் மோகன்ஜோதி ஆகியோர் அலெக்ஸாண்டரை புதூரில் வைத்து கைது செய்து பேரூரணி சிறையிலடைத்தனர்.

மேலும் அலெக்ஸாண்டர் தூத்துக்குடி, திருநெல்வேலி சென்னை ஆகிய மாவட்டங்களில் சுமார் 20க்கும் மேற்பட்ட நபர்களிடமிருந்து அரசு வேலை வாங்கி தருவதாக ஆசைவார்த்தைகள் கூறி ரூ.1கோடிய 26லட்சத்து 68ஆயிரத்து 500  வரை பணம் பெற்று கொண்டு மோசடி செய்தது விசாரணையில் தெரியவந்துள்ளது குறிப்பிடதக்கது.

வீடியோவை சும்மா தட்டி பாருங்க...

Tags: