பூட்டிய வீட்டிற்குள் காவலா் சடலம் மீட்பு
தூத்துக்குடியில் பூட்டிய வீட்டுக்குள் இருந்து காவலா் சடலத்தை போலீசார் மீட்டு விசாரணை நடத்தி வருகின்றனர்.
தூத்துக்குடி வடபாகம் காவல் நிலையத்தில் காவலராக பணியாற்றியவா் பாலமுருகன். திரேஸ்புரம் அருகே உள்ள காவலா் குடியிருப்பில் வசித்து வந்தாா். குடும்ப பிரச்னை காரணமாக, இவரது மனைவி, குழந்தைகளுடன் தாய் வீட்டிற்கு சென்றுவிட்டதாகக் கூறப்படுகிறது. தனியாக இருந்த காவலா் பாலமுருகன், கடந்த சில தினங்களாகப் பணிக்கு செல்லவில்லையாம்.
இந்த நிலையில் நேற்று நீண்ட நேரம் ஆகியும் இவரது வீட்டு கதவு திறக்கப்படவில்லை. அக்கம்பக்கத்தினா் இதுகுறித்து வடபாகம் காவல் நிலையத்திற்கு தகவல் அளித்தனா். போலீசார் வீட்டின் பூட்டை உடைத்து உள்ளே சென்றனா். அங்கு பாலமுருகன் இறந்து கிடந்தாா். சடலத்தை போலீசார் கைப்பற்றி உடல் கூறாய்வுக்காக தூத்துக்குடி அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும், காவலா் உயிரிழந்தது தொடா்பாக விசாரணை நடத்தி வருகின்றனர்.
